मेदिनीपुर, 20 जून (हि.स.)। पश्चिम मेदिनीपुर जिल्लाको बेलदा क्षेत्रमा शनिवार रेल फाटकका नियमहरूलाई बेवास्ता गरेको कारणले केही समयसम्म वन्दे भारत एक्सप्रेसको आवागमन प्रभावित भयो। एउटा बोलेरो वाहन रेल लाइन पार गर्ने क्रममा फाटकभित्र फस्यो जसले गर्दा सुरक्षालाई मध्यनजर गर्दै ट्रेनलाई अगाड़ि बढ़्नदेखि रोकियो।
जानकारी अनुसार बेलदा थाना क्षेत्रको 25 नम्बर सुभाषपल्ली रेलगेटमा वन्दे भारत एक्सप्रेस गुज्रिनअघि नियमानुसार रेल फाटकलाई बन्द गरिँदैथ्यो। यसै अवधि एकजना बोलेरो चालकले द्रूत गतिमा रेलवे लाइन पार गर्ने प्रयास गर्दै फाटकभित्र प्रवेश गऱ्यो। तर वाहन रेल लाइनको बीचमा फसियो जसले गर्दा आवश्यक सिग्नल प्रक्रिया बाधित भयो। हेर्दा-हेर्दै ठूलो सङ्ख्यामा वाहनहरूको ताँत लाग्यो।
स्थितिको गम्भीरतालाई मध्यनजर गर्दै केही समयको लागि वन्दे भारत एक्सप्रेसको गतिलाई रोक्नुपऱ्य सूचना पाउनसाथ रेलवे पुलिस र रेलवे अधिकारीहरूको टीम घटनास्थलमा पुग्यो अनि स्थितिलाई नियन्त्रण गर्दै बोलेरोलाई कब्जामा लियो।
रेलवे अधिकारीहरूले भने, आज ठूलो दुर्घटना हनदेखि बच्यो। उनीहरूले मानिसहरूसित अपील गरेका छन्, यात्रीहरूले सुरक्षालाई ध्यानमा राखेर रेल फाटक बन्द हुँदै गर्दा कुनै पनि स्थितिमा त्यसलाई पार गर्ने प्रयास नगरुन्।
हिन्दुस्थान समाचार / उष्णता छेत्री शर्मा
