किशनगञ्ज, 20 जून (हि.स.)। बिहार प्रदेश कङ्ग्रेस कमिटीको निर्देशमा शनिवार जिल्ला कङ्ग्रेस कमिटीद्वारा महँगी, बेरोजगारी, नीट परीक्षामा भएको कथित अनियमितता, पेपर लीक सहित अन्य जनसरोकारका मुद्दाहरूलाई लिएर व्यापक विरोध प्रदर्शन गरियो।
जिला कङ्ग्रेस अध्यक्ष शाहबुल अख्तरको अध्यक्षतामा आयोजित कार्यक्रममा कङ्ग्रेस नेता एवं कार्यकर्ताहरूले पैदल मार्च निकालेर केन्द्र सरकारको विरोधमा प्रदर्शन गरे तथा गान्धी चौकमा केन्द्रिय शिक्षा मन्त्री धर्मेन्द्र प्रधानको पुतला दहन गरे।
कार्यक्रममा किशनगञ्जका सांसद डा. मोहम्मद जावेद आजाद, विधायक कमरूल हुदा, बहादुरगञ्ज विधानसभाका पूर्व कङ्ग्रेस प्रत्याशी प्रो. मोसब्बीर आलम, युवा कङ्ग्रेस जिल्ला अध्यक्ष मो. आजाद साहिल, पूर्व जिल्ला अध्यक्ष इमाम अली चिन्टू तथा नगर अध्यक्ष सजल कुमार साह सहित केही वरिष्ठ नेताहरू उपस्थित थिए। जिल्ला कङ्ग्रेस कार्यालय राजीव आश्रमदेखि शुरू भएको पैदल मार्च शहरका विभिन्न मार्गहरू हुँदै गान्धी चौकमा पुग्यो।
यस अवधि कार्यकर्ताहरूले केन्द्र सरकारको विरोधमा नाराबाजी गर्दै प्रधानमन्त्री नरेन्द्र मोदी तता केन्द्रिय शिक्षा मन्त्री धर्मेन्द्र प्रधानको राजीनामाको माग गरे। वक्ताहरूले आरोप लगाए, देशमा लगातार बढ़्दो महँगी तथा बेरोजगारीले आम मानिसहरू हैरान भएका छन् भने प्रतियोगी परीक्षाहरूमा अनियमितता तथा पेपर लीकका घटनाहरूबाट युवाहरूको भविष्य प्रभावित भइरहेको छ।
सभालाई सम्बोधन गर्दै कङ्ग्रेस नेताहरूले भने, युवा, विद्यार्थी, किसान एवं आम जनतासित सम्बन्धित मुद्दाहरूमा सरकार विफल साबित भएको छ। उनीहरूले नीट परीक्षामा कथित धाँधलीको निष्पक्ष जाँच गराएर दोषीहरूलाई कठोर सजाय दिने माग समेत गरे।
हिन्दुस्थान समाचार / उष्णता छेत्री शर्मा
