खड़गपुर, 20 जून (हि.स.)। पश्चिम मेदिनीपुर जिल्लाको खड़गपुरमा पतञ्जलि योग समितिद्वारा शनिवार बिहान मालाञ्चा स्थित धोबीघाट मैदानमा भव्य योग शिविरको आयोजन गरियो। कार्यक्रममा मुख्य अतिथिका रूपमा मन्त्री दिलीप घोष उपस्थित थिए भने उनको साथमा रश्मि म्याटालिक लिमिटेड ग्रुपका चेयरमैन सज्जन पटवारी पनि मञ्चमा आसिन थिए।

कार्यक्रमको शुरुआत पतञ्जलि योग समितिका जिल्ला पदाधिकीहरूको उपस्थितिमा दीप प्रज्जवलनबाट गरियो। त्यसपछि मञ्चमा आसिन मन्त्री दिलीप घोष, सज्जन पटवारी तथा अन्य पदाधिकारीहरूले सामूहिक रूपमा योगाभ्यास गरेर मानिसहरूलाई स्वस्थ जीवनशैली अप्नाउने सन्देश दिइन्।

कार्यक्रममादिलीप घोषले भने, “योग भारतको प्राचीन धरोहर हो। यदि हरेक व्यक्तिले दिनहुँ केही समय योगलाई दिए धेरै वटा रोगहरूदेखि बच्न सकिन्छ र जीवन स्वस्थ बन्नसक्छ।”

यसरी नै सज्जन पटवारीले भने, “आजको व्यस्ततापूर्ण जीवनमा स्वास्थ्य सबैभन्दा महत्वपूर्ण पूँजी हो। योगलाई दैनिक जीवनको अङ्ग बनाएर हामी शारीरिक एवं मानसिक रूपमा श्रेष्ठ जीवन जिउनसक्छौं।”

योग शिविरमा ठूलो सङ्ख्यामा मानिसहरूले भाग लिएका थिए। वक्ताहरूले भने, आधुनिक जीवनशैलीमा प्रतिदिन न्यूनतम 30 मिनटको योगाभ्यासले तन र मन दुवै स्वस्थ राख्नमा महत्वपूर्ण भूमिका निभाउनसक्छ।

हिन्दुस्थान समाचार / उष्णता छेत्री शर्मा