मुम्बई, 20 जून (हि.स.)। फिल्म निर्माता तथा फेसन स्टाइलिस्ट रिया कपूरको टोलीसँग सम्बन्धित 1.35 करोड़ रूपियाँ मूल्यको हीराका गहना चोरी भएको छ।
घटनाको रिपोर्ट आएपछि सहार पुलिसले अज्ञात संदिग्धहरू विरुद्ध मुद्दा दर्ता गरी अनुसन्धान शुरु गरेको छ।
रिया कपूरकी मेकअप आर्टिस्ट सावलीन सिंह आफ्नो टोलीसँग न्यूयोर्कमा एक फेसन कार्यक्रममा भाग लिन यात्रा गरिरहेकी थिइन्। उनको ह्यान्डब्यागमा दुईव टा गहनाका बक्सहरूमा महँगा हीराका झुम्काहरू थिए, जुन मुम्बईको मेहता ज्वेलर्स र गोयन्का ज्वेलर्सबाट भाड़ामा लिइएका थिए।
न्यूयोर्क आइपुगेपछि गहनाका बक्सहरू खोल्दा, तिनीहरू खाली भेटिए। चोरी भएका गहनामा मेहता ज्वेलर्सबाट 66 लाख रुपियाँ मूल्यको हीराका झुम्काहरू र गोयन्का ज्वेलर्सबाट 69 लाख रुपियाँ मूल्यको हीराका झुम्काहरू सामेल थिए। कुल क्षति 1.35 करोड़ रूपियाँ अनुमान गरिएको छ।
टोलीबाट उजुरी प्राप्त भएपछि सहार पुलिसले भारतीय दण्ड संहिता (आईपीसी) को धारा 303(2) अन्तर्गत मुद्दा दर्ता गरेको छ। पुलिसले विमानस्थल, उड़ानहरू र अन्य सम्भावित स्थानहरूको सीसीटीभी फुटेज जाँच गरिरहेको छ।
अनुसन्धान एजेन्सीहरूले अहिले सामना गरिरहेको सबैभन्दा ठूलो प्रश्न भनेको गहना चोरी मुम्बई विमानस्थलमा भएको थियो, उड़ानको समयमा भएको थियो वा न्यूयोर्क आइपुगेपछि भएको थियो। यस मामिलाको अनुसन्धान जारी छ।
हिन्दुस्थान समाचार / भवानी थामी
