अमृतसर, 21 जून (हि.स.)। 12औं अन्तर्राष्ट्रिय योग दिवसको अवसरमा भारत-पाकिस्तान सीमास्थित वाघा-अटारी संयुक्त चेक पोस्टमा सीमा सुरक्षा बल (बीएसएफ)- का जवानहरूले योगाभ्यास गरेर देशवासीहरूलाई स्वास्थ्य, अनुशासन औ मानसिक सन्तुलनको सन्देश दिए। यस अवसरमा सीमामा विशेष योगशालाको आयोजन गरियो जसमा ठूलो सङ्ख्यामा बीएसएफ अधिकारी, जवान तथा स्थानीय मानिसहरूले भाग लिए।
योग सत्रको शुरुआत बिहान सामूहिक प्रार्थनाबाट भयो। जवानहरूले सूर्य नमस्कार, ताड़ासन, अनुलोम-विलोम, कपालभाति, भ्रामरी औ अन्य योगासन गरे। कार्यक्रमको उद्देश्य जवानहरूलाई शारीरिक रूपमा फिट राख्नका साथै मानसिक रूपमा पनि सशक्त बनाउनु थियो।
बीएसएफ अधिकारीहरूले भने, सीमामा चौबिसै घण्टा देशको सुरक्षामा तैनाथ जवानहरूका लागि योग तनाउलाई घटाउने तथा मानसिक एकाग्रतलाई बढ़ाउने प्रभावकारी माध्यम हो। योगले शरीरलाई स्वस्थ मात्र नराखेर कठिन परिस्थितिमा पनि सकारात्मक सोच र आत्मविश्वासलाई कायम राख्नमा मद्दत गर्छ। यस अवसरमा सीमा क्षेत्रका युवाहरूले पनि योग कार्यक्रममा उत्साहपूर्वक भाग लिए।
कार्यक्रममा एक पृथ्वी, एक स्वास्थ्य, एक सङ्कल्प-योग तथा योगबाट शक्ति, योगबाट सुरक्षा- को सन्देश पनि दिइयो। अधिकारीहरूले भने, भारतका सीमाहरू हतियारले मात्र होइन अनुशासन, संयम एवं स्वस्थ जीवनशैलीले पनि मजबुत छ।
हिन्दुस्थान समाचार / उष्णता छेत्री शर्मा
