कुचबिहार, 23 जून (हि.स.)। आवास योजनामा कथित ‘अवैध असुली’ लाई लिएर मङ्गलवार जिल्लाको माथाभाङ्गा दुई नम्बर ब्लक अन्तर्गत बारडुबी ग्राम पञ्चायतको एघार माइल क्षेत्रमा व्यापक तनाउ उत्पन्न भयो। स्थानीय लाभार्थीहरूले तृणमूल कङ्ग्रेसका पूर्व पञ्चायत सदस्य औ स्थानीय नेता आनन्द देको घर अगाड़ि व्यापक प्रदर्शन गरे।
प्रदर्शनकारीहरूको आरोप छ, आवास योजना अन्तर्गत घर दिलाउने नाममा आनन्द देले धेरै जना मानिसहरूबाट ठूलो धनराशि असुल गरेका थिए। धेरै समय बितिसक्दा पनि यो राशि नफर्काएको कारणले रूष्ट ग्रामीणहरू सड़कमा उत्रिन बाध्य भए। मङ्गलवार ठूलो सङ्ख्यामा मानिसहरू भेला भएर आरोपी नेताको घर अगाड़ि अवैध असुलीको रकमलाई तत्काल फर्काउने माग गर्न थाले।
ग्रामीणहरूको भनाइ छ, सरकारी योजनाहरूको लाभ दिलाउने नाममा आम मानिसहरूबाट अवैध रूपमा पैसा लिइयो जुन पूर्ण रूपले अनुचित छ। प्रदर्शनकारीहरूले चेताउनी दिए, यदि चाँड़ै पैसा नफर्काइए उनीहरू ठूलो आन्दोलन गर्न बाध्य हुनेछन्।
सूत्र अनुसार ग्रामीणहरूको दबाउले गर्दा आरोपी नेताले पाँच दिनको समय माग्दै अवैध असुलीलाई फर्काउने आश्वासन दिएका छन्।
हिन्दुस्थान समाचार / उष्णता छेत्री शर्मा
