कोलकाता, 23 जून (हि.स.)। पश्चिम बङ्गालका मुख्यमन्त्री शुभेन्दु अधिकारीले जनसङ्घका संस्थापक डा. श्यामा प्रसाद मुखर्जीको बलिदान दिवसमा उनलाई श्रद्धाञ्जली अर्पण गरेका छन्। मङ्गलवार बिहान आफ्नो एक ट्वीटमा मुख्यमन्त्रीले डा. मुखर्जीलाई भारतको एकता अनि अखण्डताको रक्षा गर्नका लागि आफ्नो जीवन समर्पित गर्ने प्रखर राष्ट्रवादी नेता बताए।
मुख्यमन्त्री शुभेन्दु अधिकारीले आफ्नो सन्देशमा भने, भारतको एकता अनि अखण्डताको रक्षा गर्नका लागि जीवन उत्सर्ग गर्ने प्रखर राष्ट्रवादी नेता, जनसङ्घका संस्थापक, पश्चिम बङ्गालका जनक अनि भारत केसरी डा. श्यामा प्रसाद मुखर्जीको बलिदान दिवसमा उनलाई शत-शत नमन।
उनले भने, डा. श्यामा प्रसाद मुखर्जीको जीवन राष्ट्रहित, सांस्कृतिक चेतना एवं भारतको अखण्डताप्रति अटुट प्रतिबद्धताको प्रतीक रहिआएको छ। देशको एकताको लागि उनको सङ्घर्ष अनि बलिदानलाई सदैव स्मरण गरिनेछ।
हिन्दुस्थान समाचार / उष्णता छेत्री शर्मा
