पूर्व मेदिनीपुर, 24 जून (हि.स.)। पश्चिम बङ्गालको हल्दिया पोर्टमा माल परिवहन क्षमता बढ़ाउनको लागि बन्दरगाह प्राधिकरणले कन्टेनर परिवहनमाथि विशेष बल दिने फसेला लिएको छ। यसान्तर्गत बन्दरगाहमा दुई वटा बर्थलाई उपयोग गरिनेछ भने एउटा नयाँ आउटर कन्टेनर टर्मिनल पनि बनाइनेछ। यो सम्पूर्ण कार्य पब्लिक प्राइभेट पार्टनरशिप (पीपीपी) मोडलमा सञ्चालित हुनेछ।
देशका पूर्वी अनि पश्चिमी तटमा विशाल समुद्री बन्दरगाह अवस्थित छ। त्यसैले पूर्व भारतको नदी बन्दरगाह हल्दिया अब माल परिवहनको क्षेत्रमा समुद्री बन्दरगाहरूलाई टक्कर दिने तयारीमा छ। आयात-निर्यात गतिविधिहरूलाई प्रेरित गर्नको लागि हल्दिया बन्दरगाहमा कन्टेनर परिवहनको क्षमता बढ़ाउनेमाथि बल दिइएको छ। पछिल्लो 12 वर्षभित्रमा बन्दरगाहको 11 अनि 12 नम्बर बर्थबाट लगभग 2 लाख 20 हजार कन्टेनरहरूलाई सञ्चालन गरिंदै आएको छ।
अब कन्टेनर ह्याण्डलिङ्गको क्षमता बढ़ाउनको लागि बन्दरगाह प्रशासनले यी दुवै बर्थको बुनियादी ढाँचामा परिवर्तन ल्याउने निर्णय लिएको छ। पुराना केनहरूलाई हटाएर आधुनिक तकनिकयुक्त नयाँ क्रेन ल्याइनेछ। यसको साथै अन्य आवश्यक आधारभूत संरचनाहरू पनि विकसित गरिनेछ।
यस अतिरिक्त हल्दिया नदीको पश्चिमी किनारमा हल्दिया भवनको अगाड़ि आउटर कन्टेनर टर्मिनल बनाइनेछ। लगभग 696 करोड़ रुपियाँको लागतमा 58 एकड़ क्षेत्रमा यो परियोजना विकसित हुनेछ। यसको लागि वर्क अर्डर जारी गर्ने प्रक्रिया शुरू भइसकेको छ भने आदेश जारी नहुञ्जेलसम्म तीन वर्षभित्रमा निर्माण कार्य पूरा गर्ने लक्ष्य राखिएको छ।
दुवै बर्थ र आउटर कन्टेनर टर्मिनल—तीनै वटालाई पीपीपी मोडल अन्तर्गत सञ्चालन गरिनेछ जसको लागि टेण्डर प्रक्रिया पनि शुरू गरिएको छ।
बन्दरगाहका एकजना वरिष्ठ अधिकारी अनुसार कन्टेनर ह्याण्डलिङ्ग बढ़्नाले माल परिवहनको मात्रामा उल्लेखनीय वृद्धि हुनेछ। आगामी 30 वर्षभित्रमा हल्दिया बन्दरगाहको माध्यमबाट सात लाख कन्टेनर ह्याण्डलिङ्गको लक्ष्य तय गरिएको छ। वित्त वर्ष 2025-26 मा यस बन्दरगाहबाट 51.82 मिलियन टन माल परिवहन भएको थियो।
हिन्दुस्थान समाचार / उष्णता छेत्री शर्मा
