सिलगढ़ी, 24 जून (हि.स.)। विवाहको बहानामा एक नाबालिग बालिकाको बलात्कार, शारीरिक र मानसिक यातना र घरमा बन्दी बनाएर राखेको घटना बुधवार प्रकाशमा आएको छ। माटीगढ़ा 2 नम्बर ग्राम पञ्चायत सदस्य सुनीती राय र उनको परिवारमाथि आरोप लगाइएको छ। यो घटनाले माटीगढ़ा स्थित पतीरामजोत शान्तिमय कोलोनी क्षेत्रमा खैलाबैला मच्चाएको छ। अभियुक्तहरू सुरजीत राय र सम्राट राय हुन्।

परिवारका सदस्यहरू अनुसार, पञ्चायत सदस्यको कान्छो छोरा सुरजीत राय पहिले नै ती बालिकासँग परिचित थियो र उनी स्कूल जाँदै गर्दा उनलाई बारम्बार उत्पीड़न गर्थ्यो। लगभग तीन महिनाअघि घरमा एक्लै पाएपछि उसले नाबालिगलाई बलात्कार गरेको आरोप छ। पञ्चायत सदस्यले पीड़ितको परिवारलाई चुप लाग्न धम्की दिएर आफ्नो छोरासँग विवाह गर्ने वाचा गर्दै आफ्नो घरमा राखेको आरोप छ। त्यसबेलादेखि उनलाई निरन्तर शारीरिक र मानसिक यातना दिइँदै आएको छ। दुई दिनअघि पीड़ित भागेर आफ्नो घर पुग्न सफल भएकी थिइन्। मंगलवार परिवारले माटीगढ़ा थानामा उजुरी दर्ता गरायो। पुलिसले शुरूमा आरोपी सुरजित रायलाई पक्राउ गऱ्यो। पछि उसका जेठा दाज्यू सम्राट रायलाई पनि बालिकालाई बन्धक बनाएको आरोपमा पक्राउ गरियो। पुलिसले थप अनुसन्धान गरिरहेको छ।

हिन्दुस्थान समाचार / भवानी थामी