गुवाहाटी, 26 जून (हि.स.)। पूर्वोत्तरको सबैभन्दा विशाल धार्मिक आयोजनहरूमध्ये एक अम्बुबासी मेलाको अवसरमा गुवाहाटीमा आस्थाको समुद्र उर्लिएको छ। गुवाहाटीको नीलाचल पहाड़मा अवस्थित 51 वटा शक्तिपीठहरूमध्ये प्रमुख माँ कामाख्या धाममा आज माँ कामाख्याको दर्शन एवं आराधना गर्नका लागि लाखौं श्रद्धालुहरूको भीड़ उर्लिएको छ।
उल्लेखनीय छ, प्रत्येक वर्ष कामाख्या धाममा अम्बुबासी मेलाको आयोजन गरिन्छ। यस्तो मान्यता छ, माँको वर्षमा एक पटक रजस्वला हुन्छ जसलाई अम्बुबासी महायोगको रूपमा मानिन्छ। अम्बुबासी महायोगलाई तन्त्र साधनाको लागि सबैभन्दा प्रमुख योग मानिन्छ।
ज्ञात होस्, बितेको 22 जूनमा अम्बुबासी महायोग आरम्भ हुनसाथ मन्दिरको कपाटलाई श्रद्धालुहरूका दर्शनका लागि बन्द गरिएको थियो। अम्बुबासी महायोगको निवृत्ति बितेको मध्य रात्रि 12 बजेर 02 मिनट एवं 13 सेकेण्डमा भयो। त्यसपछि मन्दिरका पुजारीद्वारा विधि-विधानपूर्वक सर-सफाई एवं पूजा-अर्चना गरिएपछि आज बिहान माता रानीका दर्शनका लागि मन्दिरको कपाट खोलियो।
माता रानीका दर्शनका लागि श्रद्धालुहरू बितेको रातीदेखि नै पङ्क्तिबद्ध भई आफ्नो पालो पर्खिरहेका छन्। श्रद्धालुहरूले बताए अनुसार उनीहरू गए 3 बजेदेखि नै पङ्क्तिबद्ध भएर माता रानीको पूजा गर्न बसेका छन्।
असमका राज्यपाल लक्ष्मण प्रसाद आचार्य, असम प्रदेश भाजपा अध्यक्ष एवं सांसद दिलीप सैकिया पनि मन्दिरको कपाट खोलिएपछि दर्शन गर्न मन्दिरमा पुगेका थिए। उनले यस अवसरमा अम्बुबासी मेलाको सफल सञ्चालनको लागि मन्दिर प्रबन्धन कमिटी, राज्य सरकार, जिल्ला प्रशासन एवं समाजसेवी सङ्गठनहरूको प्रशंसा गरे।
उल्लेखनीय छ, असम सरकार, कामरूप (मेट्रो) जिल्ला प्रशासन एवं मन्दिर परिचालन समितिले यसपालि अम्बुबासी मेलामा 8 लाखभन्दा अधिक भक्तहरूको भाग लिएको अनुमान व्यक्त गरेको छ।
हिन्दुस्थान समाचार / उष्णता छेत्री शर्मा
