गोड्डा, 26 जून (हि.स.)। गोड्डा जिल्लाको राजाभीठा थाना क्षेत्र अन्तर्गत अमरपुर गाउँमा घरायसी झगड़ामा पतिले पत्नीको घाँटी दबाएर हत्या गरेको आरोप छ। घटना बिहिवार अबेर राति भएको हो। मृतकको पहिचान होपनमय चौड़ेको रूपमा गरिएको छ भने आरोपी पति मनु हंसदालाई पुलिस हिरासतमा लिइएको छ।
प्रारम्भिक जानकारी अनुसार, मनु हंसदा लागूऔषध दुर्व्यसनी थियो र बारम्बार पत्नीलाई कुटपिट गर्थ्यो।
घटना भएको रात आरोपी रक्सीले मातेको अवस्थामा घर पुगेर पत्नीसँग झगड़ा गर्न थालेको बताइएको छ। झगड़ाको क्रममा उले धोतीले घाँटी दबाएर हत्या गरेको आरोप छ। होहल्ला सुनेर नजिकैका बासिन्दाहरू घटनास्थल पुगे र पुलिसलाई खबर गरे।
सूचना पाएपछि गोड्डा अनुमण्डल पुलिस पदाधिकारी आकाश भारद्वाज र राजाभीठा थाना प्रभारी योगेश यादव आफ्नो टोली सहित घटनास्थल पुगे। पुलिसले शव पोस्टमार्टमको लागि पठाउने प्रक्रिया शुरु गरेको छ। घटनामा प्रयोग गरिएको धोती पनि जफत गरिएको छ।
पुलिस अनुसार, मृतकले दुई सन्तान छोड़ेर गएकी छन्। स्थानीयले पति-पत्नीबीच प्रायः झगड़ा हुने गरेको बताएका छन्। अभियुक्त पतिले हत्याको आरोप अस्वीकार गर्दै आफ्नी पत्नीले उत्पीड़नका कारण आत्महत्या गरेको हुनसक्ने दाबी गरेको छ।
थाना प्रमुख योगेश यादवले घटनाको सबै कोणबाट अनुसन्धान भइरहेको र मृत्युको वास्तविक कारण पोस्टमार्टम रिपोर्ट आएपछि मात्र खुल्ने बताए।
हिन्दुस्थान समाचार / भवानी थामी
