दक्षिण 24 परगना, 10 जुलाई (हि. स.)। जिल्लाको बारुइपुरस्थित सूर्यपुरमा नाबालिकाको दुष्कर्म अनि हत्या भएपछि भड़्केको हिंसा, मब लिन्चिङ्ग औ पुलिसमाथि हमला गरेको आरोपमा पुलिसले थप पाँच जना आरोपीहरूलाई पक्राउ गरेको छ। यसबाट मामिलामा पक्रा पर्ने आरोपीहरूको सङ्ख्या बढ़ेर 35 पुगेको छ। पुलिसको भनाइ छ, अन्य भगौड़ा आरोपीहरूको खोजीमा लगातार छापामारी गरिँदैछ।

बारुइपुरमा एकजना 12 वर्षीय नाबालिकाको शव तलाउमा भेटिएपछि क्षेत्रमा व्यापक आक्रोश फैलिएको थियो। यस अवधि भीड़ले सन्देहको आधारमा युवकलाई घरबाट निकालेर कुटेरै हत्या गरेको थियो। मुख्यमन्त्री शुभेन्दु अधिकारीले घटनास्थलको भ्रमण गरेपछि भनेका थिए, मब लिन्चिङ्गमा मारिेका युवक निर्दोष थियो। दोषीहरूविरूद्ध कड़ाभन्दा कड़ा कारबाही गरियोस्।

मब लिन्चिङ्गमा मारिएका युवकको परिवारको आरोप छ, यो घटना हुँदा युवक घरमै सुतिरहेका थियो। भीड़ले उसलाई बलजफ्ती घरबाट तानेर बाहिर निकाल्यो अनि कुटेरै उसको हत्या गरिदियो। परिवारले दोषीहरूलाई कड़ा सजाय दिने माग गरेको छ।

हिन्दुस्थान समाचार / उष्णता छेत्री शर्मा