भुवनेश्वर, 13 जुलाई (हि.स.)। पश्चिम बङ्गालको काकद्वीप तटको छेउमा बङ्गालको खाड़ीमा माछा मार्ने ट्रलर ‘माँ काली’ पल्टिएर भएको पीड़ादायी दुर्घटनाप्रति ओडिशाका पूर्व मुख्यमन्त्री नवीन पटनायकले गहिरो शोक व्यक्त गरेका छन्। यस दुर्घटनामा अहिलेसम्ममा नौ जना मछुआराहरूको मृत्यु भइसकेको छ भने अन्य छ जना अहिलेसम्म बेपत्ता छन्। बेपत्ता हुनेहरूमा ओडिशाको बालासोर जिल्लाका तीन जना मछुआराहरू सामेल छन्।

नवीन पटनायकले आफ्नो आधिकारिक एक्स अकाउन्टमा जारी सन्देशमा भने, काकद्वीपको छेउमा समुद्रमा भएको यस दुःखदायी घटनाले उनलाई अत्यन्त व्यथित बनाएको छ। उनले विशेष चिन्ता व्यक्त गर्दै भने, बेपत्ता मछुआराहरूमा ओडिशाका तीन जना सामेल छन् जसको सुरक्षित फिर्तीका लागि उनले प्रार्थना गरिरहेका छन्।

आफ्नो सन्देशमा उनले भने, बङ्गालको खाड़ीमा काकद्वीप निकट समुद्रमा केही मछुआराहरू बेपत्ता भएको दुःखद खबरले म अत्यन्त दुःखी र व्यथित भएको छु। यसमा ओडिशाका पनि तीन जना मछुआराहरू रहेको कुरा सुनेर झन् चिन्ता लागिरहेको छ। यस दुर्घटनामा ज्यान गुमाउने मछुआराहरूको आत्मा शान्ति तथा बेपत्ता भएकाहरूको सकुशल फिर्तीको लागि कामना गर्दछु। यस कठिन घड़ीमा मेरो संवेदना शोक सन्तप्त परिवारको साथमा छ।

बेपत्ता ओड़िया मछुआराहरूको पहिचान रवीन्द्र माझी, जगन्नाथ माझी औ जयराम माझीको रूपमा भएको छ। ओडिशाको बालासोर जिल्लाको भोगराी ब्लकस्थित उलुदा गाउँका निवासी यी तीन आफ्नै दाज्यु-भाइहरू हुन्।

हिन्दुस्थान समाचार / उष्णता छेत्री शर्मा