पटना, 15 जुलाई (हि.स.)। बाँकीपुर विधानसभा उपचुनाउ अगाड़ी प्रशान्त किशोरको पार्टी जनसुराजलाई ठूलो राजनीतिक झटका लागेको छ। बुवाबार भारतीय जनता पार्टी (भाजपा) को प्रदेश कार्यालयमा आयोजित एक कार्यक्रममा धेरै जनसुराज नेता र कार्यकर्ताहरू भाजपामा सामेल भए। भाजपा प्रदेश अध्यक्ष सञ्जय सरावगीले सबै नेताहरूलाई शालले स्वागत गरे र संगठनमा सक्रिय भूमिकाको कामना गरे।
सदस्यता समारोहमा सत्तारुढ़ दलका प्रमुख सचेतक तथा दीघाका विधायक सञ्जीव चौरसिया सहित धेरै वरिष्ठ भाजपा नेता र अधिकारीहरू उपस्थित थिए।
भाजपामा सामेल हुनेहरूमा दीघा विधानसभा सिटका पूर्व जनसुराज उम्मेदवार बिट्टु सिंह, कुम्हरार विधानसभा सिटका पूर्व उम्मेदवार प्रो. डा. केसी सिन्हा, मानेर विधानसभा सिटका पूर्व उम्मेदवार गोपाल सिंह र पटना नगर निगमका पूर्व मेयर उम्मेदवार विनिता सिंहलगायत धेरै अन्य नेता र कार्यकर्ताहरू थिए।
यस अवसरमा प्रो. डा. केसी सिन्हाले वर्तमान विश्वव्यापी परिस्थितिमा राष्ट्रिय हित सर्वोपरि रहेको र देशलाई बलियो नेतृत्वको आवश्यकता रहेको बताए। उनले भने कि आज सम्पूर्ण विश्व आशाका साथ भारततिर हेरिरहेको छ। बिहारलाई ज्ञानको भूमि बताउँदै उनले भने कि शिक्षाको माध्यमबाट देशलाई नयाँ उचाइमा पुऱ्याउनु सबैको जिम्मेवारी हो। उनले भाजपामा सामेल भएकोमा राज्य नेतृत्वप्रति कृतज्ञता पनि व्यक्त गरे।
भाजपा प्रदेश अध्यक्ष सञ्जय सरावगीले भने, प्रधानमन्त्री नरेन्द्र मोदीको नेतृत्व, केन्द्र सरकारको काम र भाजपाको नीतिबाट प्रभावित भएर विभिन्न राजनीतिक दलका नेताहरू ठूलो संख्यामा भाजपामा सामेल भइरहेका छन्। उनले विश्वास व्यक्त गरे कि नयाँ सदस्यहरू थपिएपछि पार्टीको संगठन अझ् बलियो हुनेछ र
आगामी चुनाउमा सकारात्मक प्रभाव पर्नेछ।
बाँकीपुर विधानसभा उपचुनाउको ठीक अगाड़ी धेरै प्रमुख जनसुराज नेताहरू र पूर्व उम्मेदवारहरू भाजपामा सामेल हुनुलाई राज्यको राजनीतिमा महत्वपूर्ण विकास मानिएको छ। राजनीतिक विश्लेषकहरू विश्वास गर्छन् कि यसले उपचुनाउको राजनीतिक समीकरणलाई असर गर्नसक्छ जबकि भाजपाले यसलाई आफ्नो बढ्दो समर्थन आधार र संगठनात्मक शक्तिको संकेत भनेको छ।
हिन्दुस्थान समाचार / भवानी थामी
19 Jul 2026
