अमेठी, २० जुलाई (हि.स.)। उत्तर प्रदेशको अमेठी जिल्लाको बजार शुकुल थाना क्षेत्र अन्तर्गत पुरे सारी का पुर्वाको घरमा आइतवार राति अज्ञात चोरहरूले घर फोरेर लाखौं रुपियाँ चोरेका छन्। चोरीको जानकारी पाएपछि सोमवार बिहान चोरीको अनुसन्धान गर्न पुलिस पुगेको छ।

बजार शुकुल थाना प्रभारी विवेक कुमार वर्माले आइतवार अबेर राति अज्ञात चोरहरूले नसीर अहमदको घरमा पसेर लगभग १८ लाख रुपियाँ बराबरको सुनचाँदीका गहना र १२,००० रुपियाँ नगद चोरेर भागेको बताए। सोमवार बिहान घटनाको जानकारी पाएपछि परिवारले बजार शुकुल थानामा अज्ञात चोरहरू विरुद्ध उजुरी दर्ता गराएको बताए।

थाना प्रभारीले पुलिस घटनास्थलमा पुगेको, घटनास्थलको निरीक्षण गरेको, प्रमाण सङ्कलन गरेको र घटनाको अनुसन्धान शुरु गरेको बताए। पीड़ितको उजुरीको आधारमा मुद्दा दर्ता गरिएको छ र पुलिसले चोरहरूको खोजी गरिरहेको छ। नजिकैको सीसीटीभी फुटेज स्क्यान गरिएको छ।

हिन्दुस्थान समाचार / भवानी थामी