कोलकाता, 21 जुलाई (हि. स.)। तृणमूल कङ्ग्रेसको 21 जुलाई, शहीद दिवसको सभा आयोजन हुनअघि पूर्व मुख्यमन्त्री ममता ब्यानर्जीले दल छोड़ेर जाने नेताहरूमाथि चर्को प्रहार गरिन्। उनले भनिन्, सबै चोरहरू गए, यसबाट हामी बच्यौं।

ममता ब्यानर्जीले आरोप लगाइन्, प्रवर्तन निदेशालय (ईडी) र केन्द्रिय अन्वेषण ब्यूरो (सीबीआई)- को डर देखाएर मानिसहरूलाई दबाउने प्रयास गरिँदैछ। भय देखाएर केही मानिसहरूलाई केही समयसम्मका लागि चुप गराउन सकिन्छ, तर वास्तविकतालाई लामो समयसम्म दबाएर राख्न सकिँदैन।

ऋतब्रत खेमामाथि लक्षित गर्दै पूर्व मुख्यमन्त्रीले उसलाई भारतीय जनता पार्टीको बी टीम बताइन्। उनले दाबी गरिन्, यो समूह पनि चाँड़ै चकनाचुर हुनेछ। ममता ब्यानर्जीले यो पनि भनिन्, क्षमा गर्नुहोला, अब तपाईहरूको आवश्यकता छैन। तपाईहरू धन, मान औ प्राणले राम्रो बस्नुहोस्।

पूर्व मुख्यमन्त्रीले अझ भनिन्, अब उनी नयाँ मानिसहरूलाई साथमा लिएर अगाड़ि बढ़्नेछन् साथै सुनको खानी जस्तै नयाँ कार्यकर्ताहरूलाई लिएर सङ्गठनलाई मजबुत बनाउनेछन्।

उनले यो पनि भनिन्, विभिन्न प्रलोभनहरू देखाइएको भए पनि शहीद परिवारका सदस्यहरू कालीघाटस्थित तृणमूलको कार्यक्रम स्थलमा आइपुगे। यसको लागि उनले सबै शहीद परिवारहरूप्रति आभार व्यक्त गरिन्।

हिन्दुस्थान समाचार / उष्णता छेत्री शर्मा