खड़गपुर, 21 जुलाई (हि.स.)। पश्चिम मेदिनीपुर जिल्लास्थित सबङ्ग क्षेत्रको हरनान गाउँमा श्री बिनन्दराय जियू रथ यात्रा उत्सव समितिको पक्षबाट सामाजिक समरसता औ समानताको अनौठो सन्देश सम्प्रेषण गरियो। रथयात्राको अवसरमा मङ्गलवार विभिन्न समुदाय अनि पेशासित जोड़िएका मानिसहरूलाई एउटै मञ्चमा सम्मान जनाउँदै समाजमा एकता तथा पारस्परिक सम्मानको सन्देश दिए।

समितिको पहलमा शिक्षक, पूर्व सैनिक, अधिवक्ता, किसान, नयाँ, लोहार, राजमिस्त्री, मत्स्यजीवी, ब्याङ्कककर्मी, खेलाड़ी, कवि-साहित्यकार, आँगनबाड़ी कर्मी सहित विभिन्न क्षेत्रहरूका लगभग 50 जना व्यक्तित्वहरूलाई सम्मानित गरियो भने मरणोपरान्त सम्मान तथा वरिष्ठ नागरिक सम्मान पनि प्रदान गरियो।

यस अवसरमा युवाहरूमा देशभक्तिको भावना जागृत गर्ने उद्देश्यले 'अपरेशन सिन्दूर' विषयक कार्यक्रम पनि आयोजना गरियो। विशाल पर्दामा भारतीय सशस्त्र बलहरूको वीरगाथालाई प्रदर्शन गरियो।

रथयात्रा समितिका पदाधिकारीहरूले बताए, वर्ष 1996-मा शुरू भएको यो रथोत्सव आज क्षेत्रका अनेकौं गाउँहरूलाई जोड़्ने सामाजिक उत्सव बन्न पुगेको छ। उत्सवमा सांस्कृतिक कार्यक्रमहरूसँगसँगै विज्ञान जागरूकता यात्रा, पर्यावरण संरक्षण पदयात्रा, स्वास्थ्य शिविर तथा मेधावी विद्यार्थीहरूलाई शैक्षणिक सामग्री वितरण जस्ता कार्यक्रम पनि आयोजना गरिन्छ।

कार्यक्रममा लगभग 6 हजार मानिसहरूको लागि सामूहिक अन्नभोगको व्यवस्था गरिएकोथियो जसमा गाउँका मानिसहरूले व्यापक रूपमा सहयोग गरे।

समितिका सदस्य शक्तिपद भुँइयाले भने, जात-पात तथा भेदभावदेखि माथि उक्लेर प्रत्येक पेशासित जोड़िएका मानिसहरूको सम्मान गर्नु नै यस आयोजनको उद्देश्य हो।

हिन्दुस्थान समाचार / उष्णता छेत्री शर्मा