नाम्ची 21 जुलाई (हि.स.)। नाम्ची जिल्लाको समरदुङमा निर्माणाधीन नेशनल हाइड्रोइलेक्ट्रिक पावर कर्पोरेशन लिमिटेड (एनएचपीसी) को टिस्टा स्टेज-६ जलविद्युत परियोजनाको सुरुङभित्र फसेका कामदारहरूको खोज तथा उद्धार कार्य निरन्तर जारी छ। यस क्रममा थप दुई जनाको शव फेला परेको छ। यसका साथै यस घटनामा मृतकहरूको संख्या बढ़ेर नौं पुगेको छ। मृतकहरूको संख्या अझ बढ्न सक्ने सम्भावना व्यक्त गरिएको छ।

नाम्ची जिल्ला प्रशासनबाट प्राप्त पछिल्लो आधिकारिक जानकारी अनुसार, मृतकहरूको संख्या बढ़ेर नौं पुगेको छ। घटना स्थलमा राहत एवं उद्धार कार्य लगातार जारी रहेको छ। सुरुङभित्र फसेका श्रमिकहरूलाई बाहिर निकाल्ने प्रयासमा राष्ट्रिय आपदा प्रतिक्रिया बल लगायत अन्य सम्बन्धित निकायहरू लागिपरेका छन्। घटना स्थलमा जिल्ला प्रशासनका वरिष्ठ अधिकारीहरूले निगरानी राखिरहेका छन्।

उल्लेखनीय छ, नाम्ची जिल्लाको समरदुङमा निर्माणाधीन एनएचपीसीको टिस्टा स्टेज-6 जल विद्युत परियोजनामाको सुरुङमा सोमबार दिउँसो ठूलो दुर्घटना घट्यो। सुरुङभित्र काम चलिरहेको समयमा श्रमिकहरूले अचानक ठूलो विस्फोट भएको आवाज सुने, जसपछि सुरुङभित्र कथित ग्यास चुहावट हुन थाल्यो।

यस घटनापछि श्रमिकहरू आतङ्कित बने र आफ्नो ज्यान बचाउन सुरुङबाट बाहिरतिर भाग्न थाले। यस क्रममा केही श्रमिकहरू बाहिर निस्कन सफल भए भने केही श्रमिकहरू सुरुङभित्र फस्न पुगे। सुरुङभित्र अझै पनि धेरै श्रमिकहरू फॅंसेका छन्।

हिन्दुस्थान समाचार / बिशाल