नोएडा, 22 जुलाई (हि.स.)। उत्तर प्रदेशको नोएडाको गैतमबुद्धनगरमा अज्ञात बदमाशहरूले एक महिलाको घाँटीबाट सुनको चेन र हीराको पेन्डेन्ट लुटेका छन्। पुलिसले मुद्दा दर्ता गरेको छ र घटनाको अनुसन्धान गरिरहेको छ।

थाना सेक्टर 20 का प्रभारी इन्स्पेक्टर अरविन्द कुमारले बताए, गत राति स्वाति अग्रवाल जैनले उनी सेक्टर 29 मा बस्छिन् भनी पुलिस स्टेशनमा रिपोर्ट दर्ता गरेकी छन्। ती महिला अनुसार, उनी सेक्टर 29 को गङ्गा सपिङ कम्प्लेक्सको एटीएम मेसिनबाट पैसा निकाल्न गइरहेकी थिइन्, जब मोटरसाइकलमा आएका दुई व्यक्तिले पुलिस चौकी नजिकै उनको घाँटीबाट सुनको चेन खोसे।

उनको चेनमा गोल हीराको पेन्डेन्ट पनि थियो। महिला अनुसार, दुवै बदमाशले हेलमेट लगाएका थिए। उनले पुलिसलाई जानकारी दिइन्। पुलिस घटनास्थलमा पुग्यो तर त्यतिन्जेलसम्म गुन्डाहरू भागिसकेका थिए। महिलाको उजुरीमा मुद्दा दर्ता गरिएको छ र यस विषयमा अनुसन्धान भइरहेको पुलिसले जनाएको छ। घटनास्थल वरिपरि लगाइएको सिसिटिभी क्यामेरा र सर्विलान्स विधिको आधारमा पुलिसले बदमाशहरूलाई खोजिरहेको उनले बताए।

हिन्दुस्थान समाचार / भवानी थामी