सिलगढ़ी, 22 जुलाई (हि.स.)। सिलगड़ी नगरनिगम भवनको इलेक्ट्रिक रूमबाट बुधवार बिहान अचानक धुवाँ निक्लिरहेको देखियो जसले गर्दा भवन परिसरमा कोकोहोलो मचियो। सूचना पाएर निगमका कर्मचारीहरू तत्कालै घटनास्थलमा पुगे जहाँ मुख्य स्विच बक्समा आगो लागेको थियो।स्थितिको गम्भीरतालाई मध्यनजर गर्दै कर्मचारीहरूले अलिकति पनि ढिल्याई नगरी फायर एक्सटिङ्ग्विशरको मद्दतले आगोलाई निभाउने काम शुरू गरे। उनीहरूको तत्परताले केही समयभित्रै आगोलाई पूर्ण रूपले नियन्त्रण गरियो। फलस्वरूप ठूलो दुर्घटना हुनदेखि बच्यो।प्राथमिक जाँचमा आशङ्का व्यक्त गरिँदैछ, शर्ट सर्किटको कारणले आगो लागेको हुनसक्छ। तथापि सही कारण पत्तो लगाउनको लागि जाँच शुरू गरिएको छ।यस घटनामा कुनै पनि प्रकारको मानवीय क्षति भएको खबर प्राप्त भएको छैन। साथै निगमका महत्वपूर्ण दस्तावेज वा ढाँचालाई पनि कुनै ठूलो नोक्सान पुगेको छैन।

हिन्दुस्थान समाचार / उष्णता छेत्री शर्मा