गान्तोक, 24 जुलाई (हि.स.)। राजधानीको पाल्जोर स्टेडियममा एसएफए ए डिभिजन एस-लिग जारी रहेको छ। यस प्रतियोगिताको आयोजना सिक्किम फुटबल एसोसिएशन (एसएफए) ले अखिल भारतीय फुटबल महासंघको तत्वावधानमा गरिरहेको छ।

एस-लिगको आठौं खेल आज आक्रमण एससी र साङ मुस्ताङ फुटबल क्लबबीच सम्पन्न भयो। आक्रमण एससीले प्रतिद्वन्दी दलमाथि शुरूदेखि अन्तसम्म दबाउ बनाउॅंदै तीन गोल गऱ्यो। टिमको तर्फबाट प्रशान्त छेत्रीले एक तथा लाक्पा नर्बु शेर्पाले दुई गोल गरे। साङ मुस्ताङ एफसीले धेरै प्रयास गरे तापनि गोल गर्न सकेन।

हिन्दुस्थान समाचार / बिशाल