नयाँ दिल्ली, 25 जुलाई (हि.स.)। नीट पेपर लीक मामिलामा केन्द्रिय शिक्षा मन्त्री धर्मेन्द्र प्रधानको राजीनामाको मागमा भइरहेको विद्यार्थी-युवा आन्दोलनबीच आम आदमी पार्टी (आआप)-का नेता गोपाल रायले दाबी गरेका छन्, गुजरातमा प्रदर्शनपूर्व अनि आन्दोलन अवधि 245 जनाभन्दा अधिक विद्यार्थी-युवाहरू लगायत विभिन्न सङ्गठनहरूका पदाधिकारीहरूलाई हिरासतमा लिइएको छ। उनले आरोप लगाए, राज्य अनि केन्द्र सरकारले आन्दोलनलाई दबाउने प्रयास गरिरहेको छ।

आआपाका गुजरात प्रभारी गोपाल रायले शनिवार पार्टी मुख्यालयमा आयोजित पत्रकार वार्तामा भने, जन्तर-मन्तरबाट शुरू भएको आन्दोलन अब देशका विभिन्न राज्यहरूसम्म फैलिसकेको छ। उनले आरोप लगाए, गत 20 जुलाईको दिन दिल्लीमा विद्यार्थीहरूमाथि लट्ठीचार्ज गरियो, अश्रु ग्यासको गोला फालियो तथा पक्राउ समेत गरियो। त्यसपछि पटना, अब गुजरातमा पनि प्रदर्शनकारीहरूविरूद्ध कारबाही गरिएको छ।

उनले दाबी गरे, गान्धीनगरमा प्रस्तावित ककरोच आन्दोलन भन्दा अगाड़ि र आन्दोलन अवधि धार्मिक माखुड़िया, पायल साकरिया, बृजराज सोलङ्की, युवराज सिंह जडेजा, जिग्साबेन, गौरी देसाई, धर्मेश भँडेरी, निकुञ्ज सावलिया, राहुल भुआ, पीयूष परमार, विनोद परमार, पङ्कज रँसरिया, हितेशभाइ पटेल, विपुल पटेल, घनश्याम झाला, बाबूजी ठाकुर औ तेजस गाजीपरा सहित केही नेता एवं कार्यकर्ताहरूलाई हिरासतमा लिइयो।

गोपाल रायले दाबी गरे, गान्धी नगर थानामा हिरासतमा राखिएका केही आन्दोलनकारीहरूले त्यहीँ भोक हड़ताल गर्न शुरू गरेका छन्। आन्दोलनकारीहरूले आरोप लगाए, सरकारले एकातिर वार्ता गर्ने आश्वासन दिरहेको छ भने अर्कोतिर विभिन्न राज्यहरूमा प्रदर्शनकारीहरूविरूद्ध कारबाही गरिरहेको छ।

उनले भने, आन्दोलनकारीहरूले माग गरे कि केन्द्रिय शिक्षा मन्त्री धर्मेन्द्र प्रधानले राजीनामा दिउन् तथा गुजरातमा हिरासतमा लिइएका सबै विद्यार्थी-युवा तथा कार्यकर्ताहरूलाी तत्काल रिहा गरियोस्। उनले चेताउनी दिए, यदि यस्तो भएन भने आन्दोलनलाई देशका अन्य राज्यहरूमा अझ व्यापक बनाइनेछ।

हिन्दुस्थान समाचार / उष्णता छेत्री शर्मा