नयाँ दिल्ली, 27 जुलाई (हि.स.)। आम आदमी पार्टी (आआपा)- का राष्ट्रिय संयोजक एवं दिल्लीका पूर्व मुख्यमन्त्री अरविन्द केजरीवालले बताए, पार्टीले आगामी एक अगस्तको दिन नयाँ दिल्लीको कन्स्टिट्यूशन क्लबमा ‘नेशनल टाउन हल अगेन्स्ट ई20’- को आयोजन गर्नेछ। उनले भने, यस कार्यक्रमको उद्देश्य ई20 इन्धनसित सम्बन्धित मुद्दाहरूमा विशेषज्ञ, प्रभावित वाहन मालिकहरू तथा सर्वसाधारण जनतालाई एउटै मञ्चमा ल्याउनु हो।
अरविन्द केजरीवालले सोमवार पार्टी कार्यालयमा आयाेजित पत्रकार वार्तामा भने, देशभरिकै मानिसहरूले ई20 इन्धनलाई लिएर सिकायत गरिरहेका छन्। मानिसहरूको वाहन बिग्रिरहेको छ भने माइलेज पनि प्रभावित भइरहेको छ। उनले प्रधानमन्त्री नरेन्द्र मोदीलाई यस मुद्दामा हस्तक्षेप गरी समाधान निकाल्ने अपील गरे।
पूर्व मुख्यमन्त्रीले भने, जसरी युवाहरूको एकजुट आवाजले गर्दा केन्द्रिय मन्त्री धर्मेन्ध्र प्रधानलाई राजीनामा दिनुपऱ्यो, त्यसरी नै ई20-को मुद्दामा पनि जनताले सङ्गठित भएर आफ्नो कुरा राख्नुपर्छ। उनले भने, सरकारले यो मामिला बढ़्न अगावै यसको समाधान गर्नुपर्छ।
उनले बताए, ‘नेशनल टाउन हल अगेन्स्ट ई20’ शनिवार अपरान्ह 12 बजrदेखि शुरू हुनेछ। वरपरका क्षेत्रका मानिसहरूलाई बिहान 11:30 बजेभित्रमा कन्स्टिट्यूशन क्लबमा आइपुग्ने अपील उनले गरे।
दिल्लीदेखि बाहिर बस्ने मानिसहरू अनलाइन पनि यस कार्यक्रमसित जोड़िन सक्नेछन्। यसको लागि 8583212 8583212 नम्बरमा व्हाट्सएप सन्देश पठाउनुपर्छ जसपश्चात शुक्रवार साँझसम्ममा अनलाइन लिङ्क उपलब्ध गराइनेछ।
केजरीवालले बताए, प्रधानमन्त्रीको नाममा ई20 विरूद्ध शुरू गरिएको उनको अनलाइन याचिकामा अहिलेसम्ममा दुई लाखभन्दा अधिक मानिसहरूको समर्थन प्राप्त भइसकेको छ। केजरीवालले भने, आगामी साता उनी यस याचिकालाई लिएर प्रधानमन्त्रीसित भेट गर्न जानेछन्। साथै उनले मानिसहरूसित अधिकभन्दा अधिक सङ्ख्यामा कार्यक्रममा प्रत्यक्ष वा अनलाइन सामेल हुने अपील गरे।
हिन्दुस्थान समाचार / उष्णता छेत्री शर्मा
