सिलगढ़ी, 27 जुलाई (हि.स.)। पश्चिम बङ्गालका वित्तमन्त्री स्वपन दासगुप्ता सोमवार उत्तरकन्यामा आयोजना हुन गइरहेको महत्वपूर्ण बैठकमा सामेल हुनका लागि बागडोगरा हवाईअड्डामा आइपुगे। आफ्नो दुई दिवसीय उत्तर बङ्गाल दौड़ाह अन्तर्गत उनी मङ्गलवार सिलगढ़ीमा आयोजना हुने बङ्गाल च्याम्बर अफ कमर्स एण्ड इण्डस्ट्रीको बैठकमा सामेल हुनेछन्।
बागडोगरा हवाईअड्डामा पत्रकारहरूसित बातचित गर्ने क्रममा वित्तमन्त्री स्वपन दासगुप्ताले क्यागको अमफान रिपोर्टमा कथित अनियमितता भएको मुद्दामा प्रतिक्रिया व्यक्त गर्दै भने, यस विषयमा विधानसभामा सविस्तार चर्चा हुनेछ।
उनले भने, पहिला सम्पूर्ण रिपोर्ट पढ़्न दिनुहोस्। हामीलाई 28 वटा रिपोर्ट प्राप्त भएको छ जसलाई सदनमा पेश गर्ने प्रस्ताव हामीले राखेका छौं। पहिला सबैले रिपोर्ट पढ़ेर बुझ्नुपर्छ, त्यसपछि मात्र कुनै टिप्पणी गर्नु उचित हुनेछ।
वित्तमन्त्रीले यो पनि भने, रिपोर्टका सबै पाटो र पक्षमाथि विधानसभामा चर्चा हुनेछ अनि तथ्यहरूको आधारमा आवश्यक जवाफ दिइनेछ।
बागडोगराबाट उनी सोझै सिलगढ़ीस्थित उत्तरकन्यामा पुगेर प्रशासनिक एवं वित्तीय समीक्षा बैठकमा सामेल हुनेछन्। यस बैठकमा राज्य सरकारका विभिन्न योजना, विकास कार्य औ वित्तीय प्रबन्धनसित सम्बन्धित मुद्दाहरूमाथि चर्चा हुने सम्भावना छ।
हिन्दुस्थान समाचार / उष्णता छेत्री शर्मा
