चण्डीगढ, 27 जुलाई (हि.स.)। पञ्जाबको सङ्गरुर स्थित भाजपाको कार्यालयमा राति पेट्रोल बमले आक्रमण भएको छ। घटनामा कार्यालय पर्खालको एक भाग क्षतिग्रस्त भएको छ। पुलिसले घटनाको अनुसन्धान गर्न विशेष अनुसन्धान टोली (एसआइटी) गठन गरेको छ र भाजपा कार्यालयमा सुरक्षा बढ़ाइएको छ।
पुलिस अनुसार, घटना आइतवार मध्यरातमा 2ः30 देखि 3ः30 बजीबीच भएको हो। आक्रमणकारीहरूले पेट्रोलले काँचको बोतल भरि कार्यालय परिसरतिर फ्याँकेको प्रारम्भिक अनुसन्धानबाट पत्ता लागेको छ।
सङ्गरुर एसपी देवेन्द्र अत्रीले सोमवार बिहान भाजपाको कार्यालयमा बोतल फ्याँकेर आक्रमण गरिएको बताए। जसपछि डीएसपी दलबीर सिंह र थाना प्रभारीको नेतृत्वमा पुलिस टोलीहरू घटनास्थलमा पुगे। प्रारम्भिक अनुसन्धानमा बाहिरी बगैँचाको भित्तामा बोतल फ्याँकिएको खुलासा भएको छ। जुन भवनको दुई भागको बिचमा खसेको थियो। त्यहाँ आगो लागेको सङ्केत पनि पाइएकोे छ। यो मुद्दाको अहिले सबै कोणबाट अनुसन्धान भइरहेको छ। त्यसैले यस समय थप जानकारी साझा गर्न सकिँदैन। जसले यो जघन्य अपराध गरे उनीहरू विरूद्ध मुद्दा दर्ता गरिनेछ र कड़ा कारबाही हुनेछ। पुलिसले उक्त क्षेत्रलाई घेरा हालेर अनुसन्धान शुरु गरेको छ। सिसिटिभी फुटेज र अन्य प्रमाण
आक्रमणकारीको पहिचान गर्ने प्रयास भइरहेको छ।
यसैबीच सङ्गरुरका भाजपाका नेता रणदीप देओलले बताए, सोमवार हेरचाहकर्ताले भने कि कार्यालयमा आगो लागेको छ, उनले त्यसको एउटा फोटो पठाए। उनले तुरुन्तै प्रदेश भाजपाका अध्यक्ष केवल धिल्लोनलाई यो जानकारी दिए। यसपछि पुलिस घटनास्थलमा पुग्यो।
उल्लेख्य, यसअघि -1 अप्रेल 2026 मा चण्डीगढ़ स्थित भाजपाको मुख्यालयमा ग्रेनेड आक्रमण भएको पनि रिपोर्ट गरिएको छ।
हिन्दुस्थान समाचार / भवानी थामी
