पश्चिम बर्दवान, 27 जुलाई (हि.स.)। राष्ट्रिय अनुसन्धान एजेन्सी (एनआईए) ले सोमवार बिहान पश्चिम बङ्गालको दुर्गापुरको न्यू स्टिल पार्क क्षेत्रमा छापा मारेपछि गुलाम जमाउर्फ गुलाम रजा उर्फ गुड्डुलाई पक्राउ गरेको छ। एनआईएको छह सदस्यीय टोलीले स्थानीय पुलिसको उपस्थितिमा उसको भाड़ाको घरमा खोजी अभियान चलाएको थियो र सोधपुछपछि उसलाई हिरासतमा लियो। अभियुक्तलाई पछि दुर्गापुर अदालतमा पेश गरियो जहाँबाट ट्रान्जिट रिमांड दिएपछि थप सोधपुछका लागि दिल्ली लगियो।
गुलाम रजा लगभग चार वर्षअघि आफ्नो परिवारसँग भाड़ामा बस्न न्यू स्टिल पार्कमा आएको थियो। छिमेकीहरूले उ विगत 6 महिनादेखि मलेसियामा रहेको बताएका छन्। यद्यपि, स्थानीयहरूलाई उसको वास्तविक कार्य र गतिविधिहरूको बारेमा स्पष्ट जानकारी छैन।
अनुसन्धानसित सम्बन्धित सूत्रहरू अनुसार, छत्तीसगढ़मा उजागर भएको एउटा मुद्दामा गुलाम रजाको नाम आएको थियो। उ मध्यपूर्वका देशहरूमा अनुबन्ध कामदारहरू पठाउने नाममा मानव बेचबिखन वा अन्य अवैध गतिविधिहरूमा संलग्न नेटवर्कको हिस्सा थियो कि थिएन भन्नेबारे पनि अनुसन्धान भइरहेको छ।
स्थानीय बासिन्दा सालाउद्दिन अन्सारीले गुलाम रजा एउटा ट्राभल एजेन्सीसँग सम्बन्धित रहेको बताए। उनले छत्तीसगढ़मा नक्कली पासपोर्टसँग सम्बन्धित मुद्दामा उसको नाम आएको बताए। केही व्यक्तिलाई नक्कली पासपोर्ट मार्फत विदेश पठाइएको र पछि समातिएको आरोप लगाइएको छ, त्यसपछि सम्पूर्ण विषयमा अनुसन्धान शुरु भएको छ। सलाउद्दिन अन्सारीले भने कि उनले यो जानकारी प्राप्त गरेका छन् र अनुसन्धान एजेन्सीहरूले यो सम्पूर्ण नेटवर्कलाई हेरिरहेका छन्।
अनुसन्धानका क्रममा उसको एक नजिकको आफन्तको अन्डालमा टायर मर्मत पसल रहेको पनि खुलासा भएको छ। हाल एनआईएले गुलाम रजाको विदेश यात्राको उद्देश्य, उ कससँग सम्पर्कमा थियो र उसको कुनै सङ्गठित नेटवर्कसँग सम्बन्ध थियो कि थिएन भनेर पत्ता लगाउने प्रयास गरिरहेको छ।
यद्यपि, एनआईएले यस कारबाहीको सम्बन्धमा अहिलेसम्म कुनै आधिकारिक बयान जारी गरेको छैन।
हिन्दुस्थान समाचार / भवानी थामी
