- विपक्षीको हङ्गामाबीच दुवै सदन दिउँसो 2 बजीसम्मका लागि स्थगित

नयाँ दिल्ली, 27 जुलाई (हि.स.)। विपक्षी दलका सांसदहरूको हल्ला र नाराका बीचमा केन्द्र सरकारले सोमवार लोकसभामा सार्वजनिक परीक्षा (अनुचित साधनहरूको रोकथाम) संशोधन विधेयक, 2026 पेश गरेको छ। केन्द्रिय मन्त्री डा. जितेन्द्र सिंहले सदनमा विधेयक पेश गरे। लोकसभाका अध्यक्ष ओम बिरलाले विपक्षको निरन्तर विरोध र कोलाहलका कारण सदन दिउँसो 2 बजीसम्मका लागि स्थगित गरे। राज्यसभाको कारबारी पनि सोही समयसम्मका लागि स्थगित गरियो।

बिहान 11 बजी दुवै सदनको कारबाही शुरु भएपछि विपक्षी सांसदहरूले विभिन्न विषयमा नारा दिन थाले। लोकसभा र राज्यसभामा निरन्तर होहल्लाका कारण पहिलो पटक दिउँसो 12 बजीसम्मका लागि स्थगित गरियो। दिउँसो 12 बजी कारबाही पुनः शुरु भएपनि गतिरोध जारी रह्यो, त्यसपछि दुवै सदन दिउँसो 2 बजीसम्मका लागि स्थगित गरियो।

सरकारले साल 2024 मा बनाइएको कानूनमा संशोधन गर्न यो विधेयक पेश गरेको हो। प्रस्तावित संशोधनले पेपर लीककोा आरोपीहरूलाई थप कड़ा सजाय र भारी जरिमानाको प्रावधान गर्दछ। साथै राज्य सरकारहरू र केन्द्र शासित प्रदेशहरूलाई विशेष फास्ट ट्र्याक अदालतहरू स्थापना गर्न सशक्त बनाउने प्रस्ताव पनि गरेको छ जहाँ त्यस्ता मुद्दाहरूको दैनिक आधारमा सुनवाई हुनेछ। यो कानून केन्द्र सरकार र यसका एजेन्सीहरूद्वारा सञ्चालित सार्वजनिक परीक्षाहरूमा लागू हुनेछ। यसले संघ लोक सेवा आयोग (यूपीएससी), कर्मचारी चयन आयोग (एसएससी), रेलवे भर्ती, ब्याङ्किङ भर्ती परीक्षा, राष्ट्रिय परीक्षण एजेन्सी (एनटीए) र अन्य केन्द्रिय भर्ती र प्रवेश परीक्षाहरूलाई समेट्ने छ।

सरकारले भनेको छ कि नीट पेपर लीक विवाद र त्यसपछिको विद्यार्थीहरूको आन्दोलनलाई ध्यानमा राख्दै यो संशोधन ल्याइएको हो। प्रधानमन्त्री नरेन्द्र मोदीले 23 जुलाईमा कानूनलाई अझ् कड़ा बनाउने घोषणा गरेका थिए। यसले परीक्षा प्रणाली सुधार गर्न इन्फोसिसका सह-संस्थापक नन्दन निलेकणीको नेतृत्वमा उच्चस्तरीय कार्यबल गठन गर्ने पनि घोषणा गरेको छ।

यसैबीच पूर्व केन्द्रिय शिक्षा मन्त्री धर्मेन्द्र प्रधान राजीनामा दिएपछि पहिलोपटक संसद पुगेका छन्। राष्ट्रिय लोकतान्त्रिक गठबन्धन (एनडीए) का सांसदहरूले उनलाई शाल र मिथिला पगडीले स्वागत गरे र संसद भवनभित्र लगे। सांसदहरूले धर्मेन्द्र प्रधान जिंदाबाद को नारा पनि लगाए। धर्मेन्द्र प्रधानले 25 जुलाईमा नीट पेपर लीक विवादको बिचमा आफ्नो पदबाट राजीनामा दिएका थिए।

उल्लेख्य, 03 मई 2026 मा आयोजित नीट-युजी परीक्षा प्रश्नपत्र लीक भएपछि रद्द गरी पुनः सञ्चालन गर्नुपरेको थियो। यस विषयमा देशभरि विरोध प्रदर्शन भएको थियो। यो मुद्दाको अनुसन्धान सेन्ट्रल ब्युरो अफ इन्भेस्टिगेसन (सीबीआई) ले गरिरहेको छ। अहिलेसम्म 13 जना अभियुक्त पक्रा परेका छन् र एजेन्सीले चाँडै़ आरोपपत्र दायर गर्ने सम्भावना छ।

हिन्दुस्थान समाचार / भवानी थामी