पश्चिम बर्दवान, 28 जुलाई (हि.स.)। इस्टर्न कोलफील्ड्स लिमिटेड (ईसीएल) ले अवैध कब्जा विरोधी अभियानलाई कायम राख्दै मङ्गलवार आसनसोल उत्तर थाना अधिनस्थ श्रीपुर-सात ग्राम क्षेत्रस्थित गिरमिट 40 नम्बर धावड़ामा ठूलो कारबाही गऱ्यो। अभियानको क्रममा ईसीएलको जमीनमा लगभग 20 वटा अवैध घरहरूलाई बुलडोजरले ध्वस्त बनाइयो।
ईसीएल अधिकारीहरू अनुसार प्रभावित परिवारहरूलाई गत 22, जुलाई 2026 मा नोटिस औ लिफलेट दिएर निर्धारित समयभित्रमा कब्जा हटाउने निर्देश दिइएको थियो। नोटिसमा उल्लेखित समय-सीमा समाप्त भएपछि मङ्गलवार प्रशासनको उपस्थितिमा ध्वस्तीकरणको कारबाही गरियो।
अभियान अवधि कानून-व्यवस्थालाई कायम राख्ने उद्देश्यले सीआरपीएफका जवानहरू सहित आसनसोल उत्तर थानाको पुलिस बललाई तैनाथ गरिएको थियो। कड़ा सुरक्षा व्यवस्थाबीच यो कारबाही निर्विरोध शान्तिपूर्ण ढङ्गमा सम्पन्न भयो।
यस अवसरमा ईसीएलका अधिकारी अपूर्व विश्वास, जयश्री यादव औ सञ्जय च्याटर्जी घटनास्थलमा उपस्थित थिए। ईसीएल प्रबन्धनले बताए, यो अभियान पूर्वमा जारी नोटिस अनुरूप सञ्चालन गरिएको हो जसलाई प्रशासनको सहयोगमा सफलतापूर्वक पूरा गरियो।
ईसीएलले स्पष्ट पारेको छ, कम्पनीको जमीनमा अवैध कब्जालाई हटाउनको लागि विभिन्न क्षेत्रहरूमा लगातार अभियान सञ्चालन गरिँदैछ। श्रीपुर-सात ग्राममा गरिएको कारबाही पनि यसै अभियानको एक भाग हो।
हिन्दुस्थान समाचार / उष्णता छेत्री शर्मा
