कछार (असम), 28 जुलाई (हि.स.)। कछार जिल्लाको काटीगोरा पुलिसले विश्वसनीय सूचनाको आधारमा कारबाही गर्दै 124 ग्राम संदिग्ध हेरोइन जफत गरेको छ। यस मामिलामा दुई जना आरोपीहरूलाई पक्राउ गरिएको छ।

कछार पुलिस मुख्यालयद्वारा आज दिइएको जानकारी अनुसार पुलिसलाई सूचना प्राप्त भएको थियो कि पञ्जीकरण सङ्ख्या एएस-07क्यू-9101 भएको वाहन सिलचरदेखि कलाइन तर्फ राष्ट्रिय राजमार्ग-06 भएर गइरहेको छ। सूचनाको आधारमा काटीगोरा पुलिसले नाका जाँच अभियान सञ्चालन गर्दै सम्बन्धित वाहनलाई रोकेर जाँच गऱ्यो।

जाँचमा वाहनबाट 10 वटा साबुनदानीमा लुकाएर राखिएको 124 ग्राम संदिग्ध हेरोइन जफत गरियो। पुलिसले घटनास्थलबाटै दुई जना मानिसहरूलाई पक्राउ गऱ्यो। जफत गरिएको मादक पदार्थ, वाहन तथा पक्रा पर्ने आरोपीहरूलाई आवश्यक कानूनी कारबाही गर्नको लागि काटीगोरा थानामा ल्याइएको छ। मामिलामा अग्रिम जाँच भइरहेको छ।

हिन्दुस्थान समाचार / उष्णता छेत्री शर्मा