नयाँ दिल्ली, 28 जुलाई (हि.स.)। आम आदमी पार्टी (आआपा) का संयोजक एवं दिल्लीका पूर्व मुख्यमन्त्री अरविन्द केजरीवालले बिहारमा प्रदर्शन गरिरहेका विद्यार्थीहरूमाथि कथित एके-47 राइफलले फायरिङ्ग गरेको घटनालाई लिएर केन्द्र सरकारसँगसँगै बिहार सरकारमाथि पनि चर्को प्रहार गरे।

केजरीवालले मङ्गलवार सोशल मीडिया प्लेटफर्म एक्स पोस्टमा लेखे, आखिर सरकारलाई के भएको छ? बिहारमा विद्यार्थीहरूमाथि एके-47 ले गोली चलाइयो। केयी विद्यार्थीहरू आतङ्कवादी हुन्? उनले सरकारमाथि कटाक्ष गर्दै भने, लोकनायक जयप्रकाश नारायणको नेतृत्वमा बिहारको धरतीबाट नारा लगाइनथ्यो 'सिंहासन खाली गर, जनता आउनेछन्।' उनले भने, सरकारले विद्यार्थीहरूको प्रश्नको जवाफ दिनुपर्छ।

आआपाका राज्यसभा सदस्य सञ्जय सिंहले यस मामिलामा केन्द्रमाथि आरोप लगाउँदै भने, यो कुनै कथित घटना होइन, भिडियोमा विद्यार्थीहरूमाथि एके-47 राइफलले फायरिङ्ग गरिरहेको देखिएको छ। सञ्जय सिंहले केन्द्र अनि बिहारका मुख्यमन्त्री सम्राट चौधरीसित प्रश्न गर्दै भने, के यी विद्यार्थीहरू आतङ्कवादी हुन् जसले गर्दा उनीहरूमाथि एके-47 राइफल चलाउनु पऱ्यो? उनले भने, पहिला देशको राजधानीमा प्यालेट गन, अश्रु ग्यास औ लट्ठीचार्ज गरियो जसमा पाँच सय विद्यार्थीहरू घाइते भए। अब बिहारमा विद्यार्थीहरूमाथि एके-47 प्रयोग गरिँदैछ। यो कुन किसिमको शासन हो?

हिन्दुस्थान समाचार / उष्णता छेत्री शर्मा