नोएडा, 28 जुलाई (हि.स.)। नोएडाको कासना पुलिस थाना क्षेत्रमा मङ्गलवार बिहान एक विवाहिताको शव उनको सासुराली घरमा छतको फ्यानमा झुन्डिएको अवस्थामा फेला परेको छ। मृतकाको परिवारका सदस्यहरूले दाइजोका कारण हत्या भएको आरोप लगाउँदै पुलिसमा उजुरी दिएका छन्।

घंघोला गाउँका बासिन्दा अमितको साल 2020 मा तनु (25) सँग विवाह भएको कासना थाना प्रभारी पङ्कज कुमार शर्माले बताए। विवाहित तनुको शव आज सासुराली घरमा छतको फ्यानमा झुन्डिएको अवस्थामा फेला परेको छ। सूचना पाएपछि पुलिस घटनास्थलमा पुग्यो र सोधपुछ गऱ्यो। यस मामिलामा मृतक महिलाको परिवारका सदस्यहरूले विवाहको समयदेखि नै उनका सासुरालीले अतिरिक्त दाइजो मागेको आरोप लगाएका छन्।

माइताले दाइजो माग पूरा गर्न नसक्दा, उनकी छोरी तनुको सासुरालीद्वारा हत्या गरी उनको शवलाई झुन्ड्याएको आरोप लगाए। मृतकाको परिवारको उजुरीमा पुलिसले उनका पति अमित र उनकी आमा आदिका विरुद्ध दाइजो मृत्युको मुद्दा दर्ता गरी अनुसन्धान गरिरहेको छ।

हिन्दुस्थान समाचार / भवानी थामी