कोलकाता, 29 जुलाई (हि.स.)। पश्चिम बङ्गालका मुख्यमन्त्री शुभेन्दु अधिकारीले बीरभूम जिल्लामा बालुवा माफिया विरूद्ध भएको पुलिस कारबाहीको सराहना गरेका छन्। उनले भनेका छन्, राज्य सरकार भ्रष्टाचारविरूद्ध 'जीरो टलरेन्स'- को नीतिमा अडिग छ। अवैध रूपमा सम्पत्ति आर्जन गर्नेहरूलाई कुनै पनि मूल्यमा छोड़िनेछैन।
मुख्यमन्त्रीले बुधवार आफ्नो 'एक्स' पोस्टमा बताए, गुप्त सूचनाको आधारमा बीरभूम पुलिसले मोहम्मद बजार थाना क्षेत्रमा अवैध बालुवा माफिया टुल्लु मण्डल उपनाम मोहम्मद नजिबुद्दीको ठेगानामा छापा माऱ्यो। उनले दाबी गरे, यस कारबाहीमा अहिलेसम्ममा 5.5 करोड़ रुपियाँ नगद जफत गरिसकिएको छ भने नोटहरूको गन्ती अहिले पनि भइरहेकै छ। यस अतिरिक्त 15 किलो सुन पनि जफत गरिएको छ।
मुख्यमन्त्रीले यस कारबाहीको लागि पश्चिम बङ्गाल पुलिसका पुलिस महानिदेशक, बीरभूमका पुलिस अधीक्षक तथा अभियानमा सामेल सब पुलिसकर्मीहरूको सराहना गर्दै भने, उनीहरूले तत्काल, पेशागत तथा निर्णायक कारबाही गरेका छन्।
उनले भने, राज्य सरकारको भ्रष्टाचार विरोधी अभियान आगामी दिनमा पनि जारी रहनेछ भने 'भ्रष्टाचारप्रति शून्य सहिष्णुता' यसको मूल नीति रहनेछ। मुख्यमन्त्रीले स्पष्ट शब्दहरूमा भने, सार्वजनिक संसाधनहरूको दुरूपयोग गरी पूर्ववर्ती सत्तारूढ़ राजनीतिक दलको संरक्षणमा अवैध सम्पत्ति अर्जित गर्ने कुनै पनि व्यक्तिलाई छोड़िनेछैन।
मुख्यमन्त्रीले भने, जनताको सम्पत्तिमा जनताको मात्र अधिकार छ, त्यसलाई लुट्नेहरूले कानूनको पूर्ण शक्तिको सामना गर्नुपर्नेछ। उनले यो पनि भने, राज्यमा माफिया गिरोहहरूविरूद्ध अभियान लगातार जारी रहनेछ।
हिन्दुस्थान समाचार / उष्णता छेत्री शर्मा
