- चार वटा स्कूलहरूमा बिहान गरियो धम्कीपूर्ण कल, एन्टी-सबोटाज टीमहरूले शुरू गऱ्यो खोजी कार्य
अबोहर, 29 जुलाई (हि.स.)। पञ्जाबको अबोहर शहरमा बुधवार बिहान त्यसबेला कोकोहोलो मचियो जतिबेला केही निजी स्कूलहरूलाई बमले उड़ाउने धम्की प्राप्त भयो। सुरक्षालाई मध्यनजर गर्दै स्कूल प्रबन्धनले तत्काल कक्षाहरूलाई स्थगित गरेर विद्यार्थीहरूलाई घरमा पठाइदियो।
पुलिस अनुसार बिहान 9 बजे चार वटा निजी स्कूलहरूलाई धम्कीपूर्ण कल प्राप्त भयो। सूचना पाउनसाथ पुलिस प्रशासन अलर्ट भयो। एन्टी-सबोटाज टीमहरूलाई घटनास्थलमा पठाएर सम्बन्धित स्कूल परिसरहरूको गहन खोजी शुरू गरियो।
अबोहरका डीएसपी हरिश कुमारले बताए, कुनै पनि सम्भावित खतरालाई मध्यनजर गर्दै आवश्यक सुरक्षा उपाय गरिएको छ। स्कूलहरूको पूर्ण रूपले जाँच गरिँदैछ ताकि यो सुनिश्चित गर्न सकियोस् कि परिसरमा कुनै विस्फोटक सामग्री नहोस्। धम्की प्राप्त भएपछि स्कूल प्रबन्धनले सतर्कताको रूपमा छुट्टी घोषित गरिदियो अनि विद्यार्थी तथा कर्मचारीहरूको सुरक्षालाई प्राथमिकता दिँद सबैलाई सुरक्षित घरमा पठाइयो।
प्रारम्भिक जाँंचमा पुलिसले यस मामिलालाई ठट्टा वा जाली धम्की प्रतीत भइरहेको बताएको छ। यद्यपि पुलिसले कुनै पनि सम्भावनालाई बेवास्ता गरिरहेको छैन। मामिलाको गम्भीरतालाई ध्यानमा राख्दै विस्तृत जाँच गरिँदैछ भने धम्की दिनेलाई चिन्हित गर्ने प्रयास जारी छ।
हिन्दुस्थान समाचार / उष्णता छेत्री शर्मा
