—धम्मचक्क पवत्तन दिवसमा सारनाथबाट दिइयो विश्व शान्ति, सद्भाव औ मानव कल्याणको सन्देश
वाराणसी, 29 जुलाई (हि.स.)। असार पूर्णिमा एवं धम्मचक्क पवत्तन दिवसको अवसरमा बुधवार ऐतिहासिक सारनाथ भगवान बुद्धका उपदेशहरू तथा विश्व शान्तिको सन्देशबाट गुञ्जयमान भयो। अन्तर्राष्ट्रिय बौद्ध परिसङ्घ (आईबीसी), नयाँ दिल्ली तथा केन्द्रिय उच्च तिब्बती अध्ययन संस्थान, सारनाथको संयुक्त तत्वावधानमा आयोजित समारोहमा उत्तर प्रदेशका उपमुख्यमन्त्री केशव प्रसाद मौर्य मुख्य अतिथिका रूपमा उपस्थित थिए।
समारोहमा उपमुख्यमन्त्री केशव प्रसाद मौर्यले भने, भगवान बुद्धको मध्यम मार्ग विश्वमा शान्ति, सद्भाव औ मानव कल्याणको मार्ग हो। उनले भने, आज सारा दुनियाँले भगवान बुद्धका विचारहरूको प्रासङ्गिकतालाई स्वीकार गरिरहेको छ। प्रधानमन्त्री नरेन्द्र मोदीको नेतृत्वमा केन्द्र अनि उत्तर प्रदेश सरकारले भगवान बुद्धसित सम्बन्धित तिर्थ स्थलहरूको समग्र विकासका लागि लगातार कार्य गरिरहेको छ ताकि देश-विदेशबाट आउने श्रद्धालुहरूहरूलाई विश्वस्तरीय सुविधाहरू प्राप्त होस्।
उनले भने, भगवान बुद्धका विचारहरूप्रति दुनियाँको आकर्षण लगातार बढ़िरहेको छ भने सरकार बौद्ध स्थलहरूको विकास तथा धार्मिक एवं सांस्कृतिक आयोजनहरूलाी हरसम्भव सहयोग गर्नको लागि प्रतिबद्ध छ।
कार्यक्रमको शुभारन्भ अन्तर्राष्ट्रिय बौद्ध परिसङ्घका महासचिव शार्त्से खेङ्सुर जङ्गचुप चोएडेन रिनपोछेको स्वागत भाषणबाट भयो यस अवसरमा केन्द्रिय उच्च तिब्बती अध्ययन संस्थानका विद्यार्थीहरूले आकर्षक सांस्कृतिक प्रस्तुति दिएर उपस्थित अतिथिहरूलाई मन्त्रमुग्ध पारे।
हिन्दुस्थान समाचार / उष्णता छेत्री शर्मा
