कोलकाता, 31 जुलाई (हि.स.)। पश्चिम बङ्गालमा मनसुन सक्रिय भएको छ। मौसम विभाग अनुसार शुक्रवार राज्यका उत्तर एवं दक्षिण बङ्गालका अधिकांश जिल्लाहरूमा वर्षा हुने सम्भावना छ। उत्तर बङ्गालका पर्वतीय क्षेत्रहरूमा कतै-कतै घना वर्षा हुने चेताउनी जारी गरिएको छ भने दक्षिण बङ्गालमा हल्कदेखि मध्यम वर्षासितै आद्रतापूर्ण मौसम कायम रहने अनुमान छ।
उत्तर बङ्गालका दार्जीलिङ, कालेबुङ, जलपाईगुड़ी, अलिपुरद्वार औ कुचबिहार जिल्लामा दिनभरि बादल लाग्ने तथा केही स्थानहरूमा घना वर्षा हुने सम्भावना छ। यी जिल्लाहरूमा तापमान 22-28 डिग्री सेल्सियसबीच रहने अनुमान छ। पर्वतीय क्षेत्रहरूमा पैह्रो जाने आशङ्कालाई मध्यनजर गर्दै मानिसहरूलाई सतर्क रहने सल्लाह दिइएको छ।
उत्तर दिनाजपुर, दक्षिण दिनाजपुर औ मालदामा मध्यम वर्षासितै मेघगर्जन तथा 30-40 किलोमीटर प्रतिघण्टाको गतिले हावा चल्नसक्छ। यी जिल्लाहरूमा अधिकतम तापमान 31-33 डिग्री सेल्सियस रहने अनुमान छ।
दक्षिण बङ्गालका कोलकाता, हावड़ा, हुगली, उत्तर 24 परगना एवं दक्षिण 24 परगनामा हल्कादेखि मध्यम वर्षा तथा कतै-कतै मेघ गर्जन हुने सम्भावना छ। अधिकतम तापमान लगभग 32 डिग्री तथा न्यूनतम 28 डिग्री सेल्सियस रहने अनुमान छ। आद्रता अधिक रहनाले बाफिने छ।
पूर्व र पश्चिम मेदिनीपुर, झाड़ग्राम, पुरुलिया, बाँकुड़ा तथा पश्चिम बर्धमानमा आंशिक बादल लागिरहने साथै अपरान्ह हल्का वर्षा हुनसक्छ। यी जिल्लाहरूमा तापमान 32-34 डिग्री सेल्सियसबीच रहने सम्भावना छ।
पूर्व बर्धमान, बीरभूम, नदिया तथा मुर्शिदाबादमा हल्कादेखि मध्यम वर्षासितै वज्रपात हुने आशङ्का व्यक्त गरिएको छ।
---------------
हिन्दुस्थान समाचार / उष्णता छेत्री शर्मा
