हुगली, 31 जुलाई (हि.स.)। अविरल मुसलधारे वर्षाको कारणले सप्तग्राम विधानसभा क्षेत्र अन्तर्गत मोगरा-2 ग्राम पञ्चायतको गजघण्टा मालिकपाड़ामा एउटा कच्चा घर भत्किएर पिता-पुत्रीको मृत्यु भयो। घटनापछि क्षेत्रमा शोक फैलिएको छ।
स्थानीय मानिसहरू अनुसार लगातार वर्षाको कारणले गए बिहीवार अबेर राती अचानक माटोको घर ढल्यो जसको अवशेषभित्र 57 वर्षीय गौर मलिक र उनकी छोरी पुरिए। घटनाको खबर पाएर वरपरका मानिसहरू घटनास्थलमा पुगे। अवशेषहरूलाई हटाएर दुवैलाई बाहिर निकालियो। तर त्यसबेलासम्ममा दुवैको मृत्यु भइसकेको थियो। घटनाको सूचना पाएर मोगरा थानाको पुलिस घटनास्थलमा पुग्यो अनि शवहरूलाई लिएर कब्जामा लिएर आवश्यक कारबाही शुरू गऱ्यो।
बताइन्छ, गौर मलिक पेशाले सब्जी व्यापारी थिए। उनलाई आवास योजना अन्तर्गत घर बनाउनको लागि पहिलो किस्ता दिइएको थियो भने उनी नयाँ घर बनाउने प्रक्रियामा लागिपरेका थिए। यसबीच यो दुर्घटना भयो।
शुक्रवार सप्तग्रामका विधायक स्वराज घोषले घटाप्रति गहिरो दुःख व्यक्त गर्दै भने, उनी यस दुर्घटनाको कारणले मर्माहत भएका छन्। भनले बताए, हाल उनी आफ्नो विधानसभा क्षेत्रमा छैनन्। फर्किएपछि पीड़ित परिवारसित भेट गर्नेछन् अनि सरकारको पक्षबाट हरसम्भव सहायता उपलब्ध गराउने प्रयास गर्नेछन्।
हिन्दुस्थान समाचार / उष्णता छेत्री शर्मा
