जलपाईगुड़ी, 08 जुलाई (हि.स.)। जिल्लाको राजगञ्ज ब्लक अन्तर्गत फूलबाड़ी एक नम्बर ग्राम पञ्चायतकी प्रधान सुनिता राय चक्रवर्तीले आफ्नो पदबाट राजीनामा दिएकी छन्। बुधवार उनले राजगञ्जस्थित ब्लक डेभलपमेन्ट अफिसर (बीडीओ) कार्यालयमा आफ्नो त्यागपत्र जमा गरिन्।
आफ्नो राजीनामामा सुनिता राय चक्रवर्तीले व्यक्तिगत कारणको आधारमा राजीनामा दिएको बताउँदै भने, उनले प्रधानको रूपमा आफ्नो जिम्मेवारी निर्वहन गर्नमा असमर्थ महसूस गरिरहेकी छन्। त्यसैले आफ्नो पदबाट राजीनामा दिने अनुरोध गरेकी हु्न्।
उल्लेखनीय छ, वर्ष 2023- को पञ्चायत चुनाउ पश्चात तृणमूल कङ्ग्रेसकी उम्मेद्वारको रूपमा जीत हासिल गरी उनले फूलबाड़ी एक नम्बर ग्राम पञ्चायत प्रधानको दायित्व सम्हालेकी थिइन्। अब उनले राजीनामा दिएपछि स्थानीय राजनीतिक औ प्रशासनिक जगतमा खैलाबैला मचिएको छ।
हिन्दुस्थान समाचार / उष्णता छेत्री शर्मा
