गान्तोक, 08 जुलाई (हि.स.)। सिक्किम पर्यावरण पर्वको चौथो संस्करणको उपलक्ष्यमा आज वन तथा वातावरण विभागले आज 'द ग्रिन वाक' आयोजना गर्यो। वन तथा वातावरण विभागका मन्त्री पिन्चो नामग्याल लेप्चाले राजधानीको टाइटानिक पार्कबाट पदयात्राको शुरुवात गरे।
सिक्किम पर्यावरण पर्व 1 जुलाईदेखि 14 जुलाईसम्म मनाइने 14 दिवसीय वार्षिक राज्यव्यापी पर्यावरणीय महोत्सव हो। यस वर्षको उत्सव महोत्सवको चौथो संस्करण हो, जुन 'हरियो विरासत छोडौं' विषयमा आयोजना भइरहेको छ।
कार्यक्रमलाई संक्षिप्त रूपमा सम्बोधन गर्दै मन्त्री लेप्चाले पर्यावरणीय जागरूकता प्रवर्द्धन गर्न र राज्यको हरित दृष्टिकोणप्रति विभागको प्रतिबद्धतालाई पुन: पुष्टि गर्न पदयात्रा आयोजना गरिएको बताए। उनले मुख्यमन्त्री प्रेमसिंह तामाङको नेतृत्वमा गरिएको पहलमाथि पनि प्रकाश पारे, जसले मानिसहरूलाई फिट रहन, राम्रो स्वास्थ्य कायम राख्न र अनावश्यक पर्यावरणीय प्रदूषण कम गर्न छोटो दूरीको पैदल यात्रालाई सरल तर प्रभावकारी तरिकाको रूपमा अपनाउन प्रोत्साहित गरेको छ।
मन्त्रीले हिजो मनाइएको 'धरती आमाको लागि एक दिन' को पनि उल्लेख गरे, जस अवधिमा राज्यभरि सबै गैर-आकस्मिक सवारी साधनको आवागमन बिहान ११ बजीदेखि ११:०७ बजीसम्म सात मिनेटको लागि रोकिएको थियो। यो पहल कार्बन उत्सर्जन घटाउने, दिगो जीवनयापनलाई प्रवर्द्धन गर्ने र सिक्किमको समृद्ध प्राकृतिक सम्पदाको संरक्षणको महत्त्वलाई सुदृढ पार्ने उद्देश्यले गरिएको उनले बताए।
मन्त्रीको नेतृत्वमा 'द ग्रिन वाक' मा वन तथा वातावरण विभागका अधिकारी र कर्मचारीहरूको उत्साहजनक सहभागिता देखियो। सहभागीहरूले पदयात्रा तीन स्थान भण्डारी डिग्री कलेज गेट, टाइटानिक पार्क र स्यारी ट्याक्सी स्ट्यान्डबाट शुरु भएर देवरालीस्थित वन सचिवालयमा समापन भयो।
हिन्दुस्थान समाचार / बिशाल
