सिलगढ़ी, 09 जुलाई (हि. स.)। सिलगढ़ी नगरनिगमको वार्ड नम्बर 47 अन्तर्गत पञ्चानन नदीको बाँधमाथि अवैध रूपमा निर्मित तृणमूलको पार्टी कार्यालयलाई बिहिवार प्रशासनले बुलडोजरले ध्वस्त बनाइदियो। नगरनिगमको निर्देशमा यो अभियान सञ्चालन गरिएको हो।

नगरनिगम सूत्र अनुसार उक्त निर्माण वैध अनुमति नलिई नदीको बाँधमाथि गरिएको थियो जसलाई लिएर लामो समयदेखिकै आपत्ति जनाइरहेको थियो। निर्धारित प्रशासनिक प्रक्रिया पूरा गरिएपछि बिहिवार अधिकारीहरूको टीम घटनास्थलमा पुग्यो अनि अतिक्रमणलाई हटाउने अभियान शुरू गऱ्यो। बुलडोजरको मद्दतले केही समयभित्रै सम्पूर्ण ढाँचालाई ध्वस्त बनाइयो। कुनै पनि प्रकारको अप्रिय स्थितिदेखि बच्नको लागि घटनास्थलमा ठूलो सङ्ख्यामा प्रधाननगर थानाको पुलिसलाई तैनाथ गरिएको थियो। कारबाही अवधि नगरनिगमका केही वरिष्ठ अधिकारीहरू पनि उपस्थित थिए।

स्थानीयहरूको मान्यता छ, नदीको बाँधमा कुनै पनि प्रकारको अवैध निर्माण भविष्यमा जल निकासी व्यवस्था अनि बाँधको सुरक्षाको लागि खतरा बन्नसक्छ। त्यसैले धेरै जना मानिसहरूले प्रशासनको यस कारबाहीलाई समर्थन गरेका छन्।

हिन्दुस्थान समाचार / उष्णता छेत्री शर्मा