कोलकाता, 09 जुलाई (हि.स.)। पश्चिम बङ्गाल संयुक्त प्रवेश परीक्षा (डब्ल्यूबीजेईई) काउन्सिलिङ्गको पहिलो चरणमा राज्यका सबै सरकारी इञ्जीनियरिङ्ग कलेजहरूको सीट भरिएकोमा मुख्यमन्त्री शुभेन्दु अधिकारीले हर्ष व्यक्त गरेका छन्। उनले भने, पछिल्लो केही वर्षमा यस्तो पहिलो पटक भएको हो जुन यस कुराको सङ्केत हो, राज्यका मेधावी छात्रहरूले उच्च तकनिकी शिक्षाको लागि अब पश्चिम बङ्गालका संस्थानहरूमाथि पहिलाभन्दा अधिक भरोसा देखाइरहेका छन्।
बिहीवार बिहान आफ्नो ट्वीटमा मुख्यमन्त्रीले भने, यो परिवर्तनले राज्यको शैक्षणिक माहोलमा बढ़्दो विश्वासलाई दर्शाउँछ। उनी अनुसार युवाहरूले अब उच्च तकनिकी शिक्षाको लागि आफ्नै राज्यलाई प्राथमिकता दिरहेका छन् जुन भविष्यको लागि सकारात्मक सङ्केत हो।
उनले भने, राज्य सरकार उच्च शिक्षाको गुणस्तरमा सुधार ल्याउनको लागि प्रतिबद्ध छ। सोही उद्देश्यले शिक्षण संस्थानहरूको आधुनिकीकरण, श्रेष्ठ शैक्षणिक सुविधाहरूको विकास तथा नवाचार र उत्कृष्टतालाई प्रेरित गर्ने दिशामा लागातार काम गरिरहेको छ।
मुख्यमन्त्रीले भने, सरकारको लक्ष्य राज्यबाट प्रतिभाहरूलाई पलायनलाई रोक्नु अनि त्यसलाई ब्रेन ड्रेन -देखि ब्रेन गेन -मा परिणत गर्नु हो। त्यसको लागि पश्चिम बङ्गालमै विश्वस्तरीय अवसर उपलब्ध गराइँदैछ ताकि राज्यका प्रतिभाशाली युवाहरूले आफ्नो भविष्य बनाउन सकुन् अनि प्रदेशको विकासमा सहभागी बनुन्।
हिन्दुस्थान समाचार / उष्णता छेत्री शर्मा
