शिलङ्ग, 22 अगस्त (हि.स.)। असम र मेघालयबीच बढ़्दो तनाउको स्थितिमा शिलङ्गमा गए शुक्रवार साँझदेखि नै पेट्रोल पम्पहरूमा वाहनहरूको घुइँचो लागेको छ। जोराबाटमा जारी सड़क नाकाबन्दीको कारणले मेघालयमा इन्धन आपूर्ति प्रभावित हुने आशङ्कालाई मध्यनजर गर्दै ठूलो सङ्ख्यामा मानिसहरू आफ्नो वाहनमा पेट्रोल भर्नका लागि पेट्रोल पम्पहरूमा पुगिरहेका छन्।

गुवाहाटीको बाहिरी क्षेत्र जोराबाटमा जारी नाकाबन्दी शनिवार तेस्रो दिन पनि जारी रह्यो। यो विरोध प्रदर्शन गत 19 अगस्तको दिन शिलङ्गमा खासी स्टूडेन्ट्स यूनियन (केएसयू)- को कालो झण्डायुक्त ऱ्याली अवधि असम पञ्जीकृत वाहनहरू तथा पर्यटकहरूमाथि हमला गरेपछि शुरू भएको थियो। यस अवधि धेरै वटा वाहनहरूमा तोड़फोड़ गरियो भने केही पर्यटकहरू घाइते भएको खबर छ।

जोराबाटमा प्रदर्शनकारीहरूले मेघालय नम्बरको वाहनहरूलाई रोकेर उनीहरूलाई फर्किन भनिरहेका छन्। कुनै पनि अप्रिय घटनालाई रोक्नको लागि क्षेत्रमा पुलिस अनि रिजर्भ बललाई पर्याप्त मात्रामा तैनाथ गरिएको छ।

घटनाक्रमको कारणले असम र मेघालयबीच वाहनहरूको आवागमन लगायत आवश्यक वस्तुहरूको आपूर्तिलाई लिएर पनि चिन्ता बढ़्दो छ। शिलङ्गमा पेट्रोलको आपूर्ति बाधित भएको अफवाहपछि पेट्रोल पम्पहरूमा अचानक भीड़ बढ़ेको हो। सोशल मीडियामा पेट्रोलियम मजदूर यूनियनद्वारा इन्धन आपूर्तिमाथि रोक लगाउने फसेला गरिएको सन्देश दिइएको कारणले पनि मानिसहरूको चिन्तालाई बढ़ाएको छ।

पेट्रोल पम्पहरूमा उर्लिएको भीड़ले गर्दा शिलङ्गका केही ठाउँहरूमा यातायात पनि प्रभावित भएको छ भने वाहनहरूको लामो लस्कर मुख्य सड़कसम्म पुगेको छ।

यता असमको पक्षबाट प्रदर्शन गरिरहेका चालकहरूवे विवादलाई चाँड़ै समाधान गर्ने माग गरेका छन्।उनीहरूले शिलङ्गमा भएको हिंसामा क्षतिग्रस्त वाहनहरूक लागि क्षतिपूर्ति तथा सम्बन्धित अधिकारीहरूले माफी माग्नुपर्ने माग गरेका छन्।

प्रदर्शनकारीहरूले मेघालयमा पञ्जीकृत असमका वाहनहरूलाई पुऱ्याएको नोक्सानको लागि पनि क्षतिपूर्तिको माग गरेका छन्। उनीहरूको भनाइ छ, केएसयूद्वारा उठाइएका मुद्दाहरूको समाधान झगड़ाको सट्टा बातचितको माध्यमबाट गरिनुपर्छ।

हिन्दुस्थान समाचार / उष्णता छेत्री शर्मा