रायबरेली, 23 अगस्त (हि.स.)। उत्तर प्रदेशमा जगतपुर पुलिस थाना क्षेत्रमा एक जना मन्दिर सेवकलाई धारिलो हतियारले प्रहार गरी हत्या गरिएको छ। सूचना पाएपछि पुलिस घटनास्थलमा पुग्यो, शवलाई पोस्टमार्टमका लागि पठाएर फरेन्सिक टोलीको सहयोगमा अनुसन्धान शुरु गऱ्यो।

जिल्लाको जगतपुर थाना क्षेत्र अन्तर्गत चिचौली गाउँका बासिन्दा रामलखन (60) गाउँको मन्दिरमा सेवक थिए र मन्दिर परिसरमै बस्थे।

आइतवार बिहान गाउँलेहरू सेवकको कोठामा गए र रगतले लतपतिएको शव फेला पारे। गाउँलेहरूले पुलिसलाई जानकारी दिए। पुलिसले घटनाको अनुसन्धान शुरु गरेको छ।

गाउँलेहरूले सेवक विवाहित नभएको र नजिकका आफन्त नभएको बताए। उनले गाउँ बाहिर मन्दिर बनाए र त्यहाँ बसे। अतिरिक्त पुलिस अधीक्षक आलोक कुमार सिंहले मन्दिरका सेवकलाई धारिलो हतियारले मारिएको बताए। फोरेन्सिक टोलीको सहयोगमा प्रमाणको जाँच भइरहेको छ, केसको चाँड़ै खुलासा हुनेछ।

हिन्दुस्थान समाचार / भवानी थामी