नयाँ दिल्ली, 25 अगस्त (हि.स.)। दक्षिण पूर्वी जिल्लाको जसोला गाउँमा गत शनिवार चङ्गा लुट्नको लागि नालीमा पसेको 15 वर्षीय नाबालिकको शव मङ्गलवार चौथो दिन भेटियो। दुर्घटनापछि दिल्ली पुलिस र रेस्क्यू टीमले लगातार नालीमा नाबालिकलाई खोजिरहेको थियो। मङ्गलवार अपरान्ह खोजी अभियानकै क्रममा शव ड्रेनको बाहिरी भागमा निक्लिएको देखेर उद्धार गरियो। नाबालिकको पहिचान मिथुनको रूपमा भएको छ। शव भेटिएपछि जसोला गाउँमा शोक व्याप्त भएको छ।
जानकारी अनुसार पछिल्लो शनिवार बिहान लगभग 11 बजे मिथुन चह्गा लुट्नको लागि नालीको छेउमा गएको थियो। तर अचानक उसको खुट्टा चिप्लिएर उ नालीभित्र पस्यो। पानीको तीव्र प्रवाहले उसलाई बगायो। घटनाको सूचना पाउनसाथ सरिता विहार थाना पुलिस औ रेस्क्यू टीम घटनास्थलमा पुग्यो। त्यसपछि नालीका विभिन्न भागहरूमा लगातार खोजी अभियान सञ्चालन गरियो। पहिलो दिनदेखिको पीड़ित परिवारका सदस्यहरू पनि घटनास्थलमा डटिरहे। तर तीन दिनसम्म कुनै सुइँको पाइएको थिएन।
मङ्गलवार चौथे दिन पनि खोजी अभियान भइरहेको थियो। यसै अवधि नाबालिकको शव नाली बाहिर निक्लियो जसलाई पुलिसले चिन्हित गऱ्यो। पुलिसले शवलाई कब्जामा लिएर आवश्यक कानूनी प्रक्रिया शुरू गरेको छ।
दुर्घटनापछि जसोला गाउँका मानिसहरूले खुल्ला नालीको सुरक्षा व्यवस्थामाथि प्रश्न उठाइरहेका छन्। स्थानीय मानिसहरू अनुसार यो ठूलो नाला फ्लड विभाग अधिनस्थ पर्छ। नालीमाथि सील गरिएको छैन, न त त्यस वरिपरी पर्याप्त ब्यारिकेड लगाइएको छ। यसै मार्ग भएर मानिसहरू मेट्रो स्टेशनमा आउने-जाने गर्दछन्। स्थानीय मानिसहरूको भनाइ छ, त्यहाँ रेलिङ समेत लगाएको छैन जसले गर्दा दुर्घटना हुने खतरा कायम रहन्छ।
हिन्दुस्थान समाचार / उष्णता छेत्री शर्मा
