नयाँ दिल्ली, १३ सेप्टेम्बर (हि.स.)। भारतीय रेलवेले अगस्त महिनामा यात्रु सम्पर्क तथा माल ढुवानी क्षमता दुवै क्षेत्रमा उल्लेखनीय विस्तार गरेको छ। अगस्तमा रेलवेले कूल १३७.९ मिलियन टन माल ढुवानी गरेको छ, जुन अगस्त २०२५ मा ढुवानी गरिएको १३०.९ मिलियन टनको तुलनामा ५.४ प्रतिशत बढ़ी हो। यसका साथै रेलवेले माल ढुवानीबाट प्राप्त राजस्वमा पनि ६.२७ प्रतिशत वृद्धि दर्ता गरेको छ।

रेल मन्त्रालय अनुसार, गत वर्षको समान अवधिको तुलनामा फलामे अयस्कको ढुवानीमा १२.१ प्रतिशत, क्लिंकरमा १०.४ प्रतिशत, घरेलु कन्टेनर ढुवानीमा ९.२ प्रतिशत तथा कोइला ढुवानीमा ६ प्रतिशत वृद्धि भएको छ। यस बाहेक तयार इस्पातमा ४.९ प्रतिशत, खनिज तेलमा ३.१ प्रतिशत, मलमा १.६ प्रतिशत तथा अन्य वस्तुको ढुवानीमा ८.२ प्रतिशत वृद्धि भएको छ।

उद्योगहरूलाई अन्तिम गन्तव्यसम्म तीव्र तथा सहज माल ढुवानी सुविधा उपलब्ध गराउने उद्देश्यले अगस्त महिनामा पाँच नयाँ गति शक्ति मालवाहक टर्मिनल (जीसीटी) सञ्चालनमा ल्याइएको छ। साथै ३१ अगस्तसम्म देशभरि सञ्चालनमा रहेका गति शक्ति टर्मिनलको कूल संख्या १४९ पुगेको छ। यी नयाँ टर्मिनल गुजरातको शिवलखा, तमिलनाडुको नल्ली, उत्तर प्रदेशको शक्तिनगर, मध्य प्रदेशको देवराग्राम तथा ओडिशाको ब्रजराजनगरमा स्थापना गरिएको छ।

यसैगरी, आम यात्रुलाई किफायती तथा आरामदायी यात्रा सुविधा उपलब्ध गराउन अगस्त महिनामा १४ विशेष अमृत भारत रेल सेवालाई नियमित रेल सेवामा परिणत गरिएको छ। यससँगै देशमा नियमित अमृत भारत रेल सेवाको कूल संख्या ८६ पुगेको छ। यी रेलहरूले उत्तर प्रदेश, बिहार, गुजरात, महाराष्ट्र तथा तमिलनाडु जस्ता प्रमुख राज्यलाई आपस्तमा जोड्छन्।

नियमित बनाइएका प्रमुख रेल सेवामा सूबेदारगञ्ज–लोकमान्य तिलक टर्मिनस, गोरखपुर–बान्द्रा टर्मिनस, गोरखपुर–दिल्ली जंक्शन, अहमदाबाद–भागलपुर, लोकमान्य तिलक टर्मिनस–प्रयागराज जंक्शन, प्रयागराज जंक्शन–उधना जंक्शन तथा धनबाद–कोयम्बटूर मार्ग रहेका छन्। यी सेवाबाट पूर्वाञ्चल, बिहार तथा झारखण्डका औद्योगिक क्षेत्र तथा प्रवासी कामदारलाई मुम्बई, गुजरात तथा दक्षिण भारतका लागि प्रत्यक्ष र किफायती यात्रा सुविधा उपलब्ध हुने बताइएको छ।

यात्रु आवागमनको तथ्याङ्क अनुसार, भारतीय रेलवेले अगस्तमा ६७.२७ करोड़ यात्रुलाई गन्तव्यसम्म पुर्याएको छ, जबकि अगस्त २०२५ मा यो संख्या ६४.४३ करोड़ थियो। यसमा उपनगरीय रेल सञ्जालले ९.०२ प्रतिशतको उल्लेखनीय वृद्धि दर्ता गरेको छ। उपनगरीय यात्रुको संख्या ३४.८९ करोड़बाट बढ़ेर ३८.०१ करोड़ पुगेको छ।

यसैबीच रक्षाबन्धनको पर्वका क्रममा यात्रुको अत्यधिक भीड़लाई ध्यानमा राख्दै रेलवेले २५ देखि ३१ अगस्तसम्म १४४ विशेष फेरा सञ्चालन गरेको थियो। गत वर्ष सोही अवधिमा भने केवल ४८ विशेष फेरा सञ्चालन गरिएको थियो।

हिन्दुस्थान समाचार / भवानी थामी