गान्तोक, १३ सेप्टेम्बर (हि.स.)। मुख्यमन्त्री प्रेमसिंह तामाङले तीज (हरितालिका) को पावन अवसरमा राज्यवासी, विशेषगरी आमा तथा दिदी-बहिनीहरूलाई हार्दिक बधाई एवं शुभकामना व्यक्त गरेका छन्।
मुख्यमन्त्री तामाङले आफ्नो सन्देशमा तीज प्रेम, भक्ति, आस्था तथा एकताको भावना मनाउने महत्वपूर्ण पर्व रहेको बताएका छन्। उनले तीजले सिक्किमको सांस्कृतिक तथा आध्यात्मिक परम्परामा विशेष स्थान राख्नुका साथै दिदी-बहिनीबीचको आत्मीय सम्बन्ध तथा परिवार र समुदायका चिरस्थायी मूल्यलाई प्रतिबिम्बित गर्ने उल्लेख गरेका छन्।
मुख्यमन्त्रीले यस पवित्र अवसरमा भगवान् शिव र माता पार्वतीको दिव्य आशीर्वादले प्रत्येक घरमा सुख, शान्ति, समृद्धि तथा सुस्वास्थ्य ल्याओस् भन्ने कामना गरेका छन्। उनले तीजको भावनाले आपसी प्रेम, सद्भाव र एकताको सम्बन्धलाई थप सुदृढ बनाउने विश्वास व्यक्त गरेका छन्।
मुख्यमन्त्रीले शान्त, समृद्ध तथा सुखी सिक्किम निर्माणको दिशामा निरन्तर अघि बढ्न तीजले सबैलाई प्रेरणा प्रदान गरोस् भन्ने शुभकामना पनि व्यक्त गरेका छन्।
हिन्दुस्थान समाचार / बिशाल
