बहराइच, १५ सेप्टेम्बर (हि.स.)। उत्तर प्रदेशको बहराइच जिल्लाको कैसरगन्ज थाना क्षेत्रमा मंगलवार बिहान राष्ट्रिय राजमार्ग किनारमा एक युवकको शव फेला परेको छ। सूचना पाएलगत्तै घटनास्थलमा पुगेको पुलिसले शव कब्जामा लिएर घटनाको अनुसन्धान शुरु गरेको छ।
कैसरगन्जका थानाध्यक्ष राजकुमार पाण्डेयले बरखुरद्वारापुर मुख्य सड़कमा एसआर म्यारिज हल अगाड़ी एक युवकको शव लड़ेको अवस्थामा फेला परेको बताए। सूचनापछि घटनास्थल पुगेको पुलिसले शव कब्जामा लिएको थियो। मृतकको पहिचान बरखुरद्वारापुर गाउँ निवासी जीवनलाल उर्फ बबलूका रूपमा भएको छ। प्रारम्भिक अनुसन्धानका आधारमा युवकको हत्या गरी शव राजमार्ग किनारमा फालिएको आशंका गरिएको थानाध्यक्षले बताए।
पुलिसले घटनास्थलको निरीक्षण गरी प्रमाण संकलन गरेको छ भने शवलाई पोस्टमार्टमको लागि पठाइएको छ। युवकको मृत्यु कसरी र कुन परिस्थितिमा भयो भन्ने पत्ता लगाउन अनुसन्धान भइरहेको थानाध्यक्षले बताए। पोस्टमार्टम रिपोर्ट आएपछि मृत्युको कारण थप स्पष्ट हुने पुलिसले जनाएको छ।
हिन्दुस्थान समाचार / भवानी थामी
