नयाँ दिल्ली, 18 अक्टोबर (हि.स.)। दिल्लीमा प्रदूषणको स्तर लगातार बढ़िरहेको छ। शुक्रवार राजधानीमा औसत वायु गुणवत्ता सूचकांक (एक्यूआई) खऱाब श्रेणीको साथ 293 दर्ता गरियो। केन्द्रिय प्रदूषण नियन्त्रण बोर्ड (सीपीसीबी) अनुसार, आगामी दुई दिनसम्म दिल्लीमा हावाको गुणवत्तामा सुधार हुने कुनै सम्भावना छैन। शुक्रवार राजधानीको आठभन्दा धेरै ठाउँमा एक्यूआई धेरै नै खराब श्रेणी अर्थात् 300 भन्दा माथि पुग्यो।

सीपीसीबी अनुसार, दिल्लीको द्वारका सेक्टर 8 मा 334, एयरपोर्ट टी 3 टर्मिलनल वरिपरि 262, मुन्डकामा 375, पूसामा 242, आयानगरमा 314, शादीपुरमा 315, मन्दिर मार्गमा 284, वजीरपुरमा 381, रोहिणीमा 362 एक्यूआई दर्ता गरियो। दिल्ली र एनसीआरमा बढ्दो प्रदूषणको कारण वायु गुणवत्ता प्रबन्धन आय़ोग (सीएक्यूएम) ले ग्रेडेड रेस्पोन्स एक्शन प्लान (ग्रैप) को पहिलो चरण लागू गरेको छ। ग्रैप-1 तब लागू गरिन्छ जब शहरको एक्यूआई 200 भन्दा माथि पुग्छ। ग्रैप-1 लागू भएपछि होटलहरू र रेस्टुरेन्टहरूमा कोइला र दाउराको उपयोगमाथि पूर्ण प्रतिबन्ध लगाइन्छ।

यस बाहेक पुरानो पेट्रोल र डीजल वाहनहरू (बीएस-III पेट्रोल र बीएस-IV डीजल) को संचालनमा सख्त निगरानी राखिनेछ। साथै निर्माण र विध्वंस (सीएण्डडी) गतिविधिहरूमा धूलशमन उपायहरू र सीएण्डडी फोहोरको ठोस पर्यावरण प्रबन्धनमा निर्देशहरूको उचित कार्यान्वयन सुनिश्चित गरिनेछ। यसमा 500 वर्ग मीटर बराबर वा त्यसभन्दा धेरैको भूखण्ड आकारका यस्ता परियोजनाहरूको सम्बन्धमा सीएण्डडी गतिविधिहरूको अनुमति दिइनेछैन, जुन सम्बन्धितको वेब पोर्टलमा पंजीकृत छैन।

हिन्दुस्थान समाचार / भवानी थामी