कोलकाता, 21 नोभेम्बर (हि.स.)। कोलकाता र पश्चिम बंगालका अन्य जिल्लाहरूमा आगामी 24 घण्टाको अवधिमा मौसम सफा रहने सम्भावना छ। कोलकातामा बिहानको समयमा हल्का कुहिरो लाग्नेछ। दिउँसो मुख्यतः सफा रहनेछ। कोलकाताको अधिकतम तापमान 28 डिग्री सेल्सियस औं न्यूनतम तापमान 19 डिग्री सेल्सियस वरपर रहेको छ।
बिहीवार मौसम विभागले बताएको छ, गएको 24 घण्टामा कोलकाताको अधिकतम तापमान28.4 डिग्री सेल्सियस दर्ता गरियो जुन सामान्यभन्दा 1. 6 डिग्री कम हो। न्यूनतम तापमान 19.8 डिग्री सेल्सियस रह्यो जुन सामान्यभन्दा 0.1 डिग्री कम हो। शहरमा अधिकतम आद्रता 94 प्रतिशत तथा न्यूनतम आद्रता 56 प्रतिशत दर्ता गरियो। कोलकातामा यस अवधि वर्षा भएन।
पश्चिम बंगालका अन्य जिल्लाहरूमा पनि मौसम मुख्यतः सफा रहनेछ। उत्तर बंगालका दार्जीलिङ तथा कालेबुङ जस्ता पहाड़ी क्षेत्रहरूमा बिहान जाड़ोको प्रभाव बढ़्नसक्छ। यी क्षेत्रहरूमा न्यूनतम तापमान 10-12 डिग्री सेल्सियस लगभग रहने सम्भावना छ। जलपाईगुड़ी तथा कुचबिहार जस्ता जिल्लाहरूमा सामान्य चिसो सहित मौसम सफा रहनेछ। दक्षिण बंगालका जिल्लाहरू जस्तै हावड़ा, हुगली, उत्तर औं दक्षिण 24 परगना, पुरुलिया, बाँकुड़ा औं बीरभूममा पनि तापमान सामान्य रहने अनुमान छ।
हावड़ा र हुगली जिल्लाहरूमा अधिकतम तापमान 27-28 डिग्री सेल्सियस र न्यूनतम तापमान 18-20 डिग्री सेल्सियस लगभग रहनसक्छ भने पुरूलिया र बाँकुड़ा जस्ता जिल्लाहरूमा बिहान अनि राती चिसो महसूस हुनेछ जहाँ न्यूनतम तापमान 16-18 डिग्री सेल्सियससम्म पुग्नसक्छ।
यस मौसममा बिहानी पख कुहिरो र धमिलो हुने हुनाले दृश्यता कम हुनसक्छ। विशेष गरी उत्तर र दक्षिण 24 परगना तथा मुर्शिदाबाद जिल्लमा। किसान अनि यात्रीहरूलाई बिहानको समयमा कुहिरो र धमिलोपनलाई ध्यानमा राखेर सतर्कता अप्नाउने सल्लाह दिइएको छ। राज्यमा हाल वर्षा हुने सम्भावना छैन।
हिन्दुस्थान समाचार / उष्णता छेत्री शर्मा