नाम्ची, 29 मार्च (हि.स.)। नाम्ची जिल्लाको निम्ति आएका जनरल पर्यवेक्षक अमर नाथ उपाध्याय लगायत सेक्टर मेजिस्ट्रेट, एसिस्टेन्ट रिटर्निङ अधिकारीहरूले आज मल्ली निर्वाचन क्षेत्रको निरीक्षण गर्दै त्यहाँको अवस्था र प्रबन्धनबारे जानकारी लिए। पर्यवेक्षक उपाध्यायले सबै अधिकारीहरूलाई एक अर्कामा तालमेल राख्दै चुनाउ प्रक्रियालाई सामान्य ढङ्गमा सञ्चालन गराउन जोड दिए।

पर्यवेक्षकले जिल्लामा स्वतन्त्र, निष्पक्ष, पारदर्शी र समावेशी ढङ्गमा चुनाउ गराउनका लागि चुनाउ अधिकारीहरू सचेत हुनुपर्नेमा विषयमा जोड दिए। यसका साथै उनले जनसाधारणसँग अन्तरक्रिया गर्दै यसपालीको चुनाउ हिंसामुक्त गर्नका लागि प्राधिकरणले सम्भावित सबै प्रबन्ध मिलाउने आश्वासन दिए।

हिन्दुस्थान समाचार