वाशिङ्गन, 21 अप्रेल (हि.स.)। अमेरिका र चीनको तनाउपूर्ण सम्बन्धका बीचमा मित्रताको संकेत फेरि देखिन थालेको छ। रूस-यूक्रेन युद्ध र मध्य पूर्वको तनाउपूर्ण स्थितिबिच अमेरिकाका विदेश मन्त्री एण्टनी ब्लिङ्कन तीन दिनको चीन भ्रमणमा जाने भएका छन्। ब्लिङ्कनको यो भ्रमण 24 अप्रेलदेखि 26 अप्रेलसम्म हुनेछ।
अमेरिकी विदेश विभाग अनुसार, ब्लिङ्कन 24 देखि 26 अप्रेलसम्म चीनको यात्रामा जानेछन्। ब्लिङ्कनले शंघाई र बीजिङमा चीनी अधिकारीहरूसॅंग द्विपक्षीय, क्षेत्रीय र वैश्विक मुद्दाहरूमाथि चर्चा गर्नेछन्। यस क्रममा मध्य पूर्व संकट, यूक्रेन-रूस युद्ध र दक्षिण चीन सागरबारे पनि चर्चा हुनेछ।
विशेष कुरा के छ भने एक सालभित्र अमेरिकी विदेश मन्त्री ब्लिङ्कनको यो दोस्रो चीन यात्रा हुनेछ। गत वर्ष जूनमा उनले बीजिङको यात्रा गरेर राष्ट्रपति शी जिनपिङसॅंग भेट गरेका थिए। मध्य पूर्वको ताजा संघर्ष र रूस-यूक्रेन युद्धलाई ध्यानमा राखेर ब्लिङ्कनको यो चीन यात्रामाथि सबैको ध्यान केन्द्रित रहनेछ। पछिल्ला केही वर्षयता अमेरिका र चीनबिचको सम्बन्धमा खाडल निकै बढेको छ।
हिन्दुस्थान समाचार/भवानी
